Порастот на телесната температура е воедно и знак за постоење на болести, а помага при следење на тежината и текот на болеста, а има и заштитна улога во организмот, оти стимулира неспецифичен имунолошки одговор.
Нормалната телесна температура се движи од 36 до 37 степени на површината на кожата, а на слузницата (усната шуплина и ректално), како и во увото за половина до еден степен повеќе.
Покрај тоа, природно, температурата во утринските часови е пониска за околу 0,3 степен Целзиусов, од онаа во вечерните часови. Покачена или зголемена телесна температура е температура повисока од 38 степени. Над 39 степени, се смета за висока температура. Ректално и во уво, за благо зголемена температура се смета онаа над 37.5, онаа над 38,5 за значајно покачена, додека над 39,5 степени за многу висока температура, појаснуваат лекарите.
Еден од најзабалежливите симптоми на зараза е зголемената температура. Но, како да знаете дека ја имате без топломер? Еве неколку информации.
ШТО Е ПОКАЧЕНА ТЕМПЕРАТУРА?
До неа доаѓа кога температурата на телото станува повисока од вообиачаено, и е еден од симптомите на коронавирусот.
Ова се препознатливи симптоми:
- Потење
- Треска
- Главоболка
- Болка во мускулите
- Болни очи
- Губење на апетитот
- Нервоза
- Дехидрација
- Отечени лимфни јазли
- Чувство на општа слабост
КАКО ДА ЗНАЕТЕ ДЕКА ДЕТЕТО ИМА ТЕМПЕРАТУРА?
Симптомите кај децата може да се разликуваат.
- Нервоза
- Незаинтересираност
- Црвена кожа
- Бледо лице
- Потешкотии со голтањето
- Одбивање на храна и вода
Во потешките случаи, може да почувствувате и некои невообичаени симптоми:
- Голема поспаност
- Збунетост
- Силна болка во телото
- Невообичаен исцедок од матката
- Болка при мокрење
- Кожен осип
- Повраќање и мачнина
