Симптоми на напад на паника

Нападите на паника се честа појава и секоја година се присутни кај околу 35% од луѓето. Од нив, еден до два проценти ќе развијат панично пореметување, нападите обично почнуваат помеѓу 15 и 25 години.

Додека се занимавате со вообичаена активност одеднаш срцето почнува силно да чука, се јавува забрзано дишење, потење и треска. Стравувате од срцев удар, дека ќе полудите или дури и умрете. По само 10 минути или нешто повеќе, се престанува. Од каде доаѓаат тие чувства?

За жал, нема јасен одговор на тоа прашање. Сте преживеале напад на паника, а кај многу помал број пациенти овие напади се повторуваат според модел, познат како панично пореметување. Меѓу нападите, болните живеат во страв од следново.

Многу луѓе со панично пореметување го поврзуваат нападот со она што го правеле додека тој се појавил. Тие препоставуваат дека ресторанот, лифтот или просторијата се причина за нападот и одлучуваат да ги избегнуваат тие места или ситуации. Во тој слуач, паничните напади може да доведат до појава на агорафобија, страв од напуштање на домот или престој на јавни места, иако врската помеѓу овие две болести е нејасна.

Нападите на паника се честа појава и секоја година се присутни кај околу 35% од луѓето. Од нив, еден до два проценти ќе развијат панично пореметување, нападите обично почнуваат помеѓу 15 и 25 години.

СИМПТОМИ

Доколку имате четири или повеќе од овде наведените симптоми, значи дека имате напад на паника.

  • Забрзано чукање на срцето
  • Потење
  • Треска
  • Чувство на гушење
  • Болка или нелагодност во градниот кош
  • Мачнина
  • Вртоглавица или губење на свест
  • Чувство на нереалност
  • Страв од лудило
  • Страв од смрт
  • Трнење или отапеност на некои делови на телото
  • Треска или појава на жештина

Доколку имате напади на паника кои се повторуваат или постојано стравувате од можни идни напади, или пак однесувањето по таквите напади значајно ви се променило, тогаш имате панично пореметување.

ПОБАРАЈТЕ ЛЕКАРСКА ПОМОШ АКО:

  • Сметате дека имате панично пореметување. Изолираните панични напади, колку и да биле непријатни, не се невообичани или опасни по живот.
  • Доколку мислите дека имате срцев напад, симптомите може да бидат слични. Сепак, повеќето лица кои имаат паничен напад, го имале и претходно, а го поттикнала некоја слична ситуација или случување. Исто така, болката во градниот кош кај паничниот напад обично се задржува во средината на градите (при срцев удар се шири во лебата рака) и ја следи забрзано дишење, силно биење на срцето и страв.