Херпесот е заразна кожна инфекција која ја предизвикува ХСВ вирусот. Симптомите не мора да се појават веднаш откако личноста ќе се зарази, а кога ќе се појаваат влијаат на гениталиите или на оралното подрачје. Постојат два типа на ХСВ, тип 1 кој предизвикува орален херпес и тип 2 кој предизвикува херпес на гениталиите. Се случува и двата да се појават на двете подрачја.
Првиот симптом кој го гледа заразената личност е херпес околу устата, ректумот или гениталиите. Раните можат да се отворат па да бидат болни, па потребно е неколку недели за лекување. Други симптоми се чувство на печкање кога уринирате ако урината преминува преку зоната каде се наоѓа херпесот. Може да се појават и симптоми како што се температура, главоболка, болки во телото, отечени жлезди и умор.
Личностите кои боледуваат од дијабетес, ХИВ/АИДС или леукемија имаат потешки симптоми. Во некои случаи личноста со херпес нема никакви симптоми со години додека во други случа симптомите се појавуваат во период меѓу два и 10 дена откако личноста ќе се зарази.
Вирусот на херпес може во телото да биде „заспан“ со години пред да се појават првите симптоми. Кога ќе почнат тогаш се повторуваат и секогаш се помалку сериозни. Чирот кој настанува како последица се отстранува брзо, често во рок од три до седум дена. Тоа е затоа што во организмот се создава антитело кое се бори против вирусот.
Моментално нема лек за херпес. Дури и ако личноста престане да ги чувствува симптомите, вирусот останува во телото. Важно е да се нагласи дека е пренослив иако не се присутни чирови и други симптоми. Од таа причина се препорачува рана превенција.
За да ја спречите заразата во текот на каков било секс користете кондом или заштита за уста. Ова ја намалува можноста за зараза. Она што е посигурно е да немате секс во периодот додека херпесот е активен, да чекате додека чиревите потполно не поминат, да користите заштита, да ги миете рацете со сапун и вода откако ќе се допрете на болното место и да не се бакнувате. Тестирањето со кое се проверува дали имате херпес се прави со вадење крв.
