Болеста мутира и носи нови варијанти на коронавирусот кои лесно се пренесуваат, а пронаоѓа и нови начини како да се презентира кај човекот. Моментално се уште е актуелен сојот ВА.5, но симптомите се менуваат, а оние кои се јавуваат на белите дробови и понатаму се најдоминантни.
Д-р Алисон Арвади минатиот месец наведе дека забележал неколку работи кај новите случаи на инфекции; една од нив е дека веројатно ќе изостане сериозна болест, а тоа значи дека денес имуниот систем кај луѓето е посилен и во можност да се одбрани од патогени. Тој забележал и дека вирусот често се појавува во респираторниот систем.
Гледаме многу повеќе случаи на болки во грлото, замор, температура и течење на носот, наведува лекарот.
Иако главоболката и осипот може да бидат симптоми на болеста, ниту еден од нив не е на врвот на листата. Тој додава дека се забележува се помалку губење на вкус и мирис од порано, но и понатаму се јавуваат како симптоми. “Со оглед дека и понатаму се презентира како настинка или грип, понекогаш е тешко да се знае која болест е во прашање, освен ако не направите тест“, вели д-р Арвади, додавајќи дека кашлицата останува најдолго присутна и речиси секогаш се јавува, а тоа е случај кај секоја вирусна инфекција.
РАНИТЕ СИМПТОМИ НА КОВИД ВКЛУЧУВААТ ЗАМОР, ГЛАВОБОЛКА, БОЛНО ГРЛО И ТЕМПЕРАТУРА
Според студија направена на Универзитетот Калифорнија, откриено е дека покачената температура може да биде првиот симптом, како и кашлица или болка во мускулите. После тоа, според пишувањата на Johns Hopkins Medicine, може да се појават мачнини, повраќање и дијареа. За разлика од останатите респираторни заболувања како МЕРС, САРС, пациентите со КОВИД најверојатно прво ќе имаат мачнина, па потоа повраќање, па дури потоа дијареја, откриено е во истражувањето.
Дигестивните симптоми понекогаш може да бидат сигнал дека некој штотуку го “собрал“ вирусот. Засега е познато дека тие може да се појават на почетокот на инфекцијата, заедно со респираторните симптоми кои често се појавуваат вториот ден, велат научниците. Сепак, некои симптоми, како што е отежнато дишење, се појавуваат сè поретко како вирусот мутира.
“Кога се зборува за симптомите на оваа болест, луѓето ги објаснуваат како разновидни. Но, сепак кај омикрон, забележавме дека температурата и кашлицата ќе се појавуваат почесто отколку отежнато дишење“, вели д-р Шерон Велбел, директорка на болницата за епидемиологија Cook County Health. Експертите ги предупредуваат пациентите дека сериозноста, па и јачината на симптомите на почетокот на болеста може да варираат од лице до лице.
“Мислам дека тоа е така во моментов, а какви ќе бидат симптомите зависи од фактори како возраста, постоечките болести, имуниот систем и многу повеќе… така што сметам дека нема големи шанси тие да се предвидат кај секое лице поединечно“, вели д-р Велбел.
ЦДЦ смета и дека границата до појавата на првите симптоми е поместена и дека тие сега можат да се појават за само 3 дена по контакт со вирусот. Општо земено, симптомите ќе се појават 2-14 дена по изложувањето, но колку долго ќе бидат присутни зависи од личноста, сериозноста на инфекцијата и од тоа дали ќе страда од долг КОВИД, а кај некои симптомите ќе потраат и до 3 недели.
СИМПТОМИ НА КОВИД-19
- Температура или треска
- Кашлица
- Отежнато дишење
- Замор
- Болки во мускулите и телото
- Главоболка
- Губење на мирис и вкус
- Болно грло
- Затнат нос
- Пролив
- Мачнина или повраќање
Доколку се јават овие симптоми, потребно е итно да се посети лекар:
- Потешкотии со дишењето
- Болка во градите или притисок
- Збунетост
- Потешкотии со будењето или спиењето
- Бледа кожа
