СИМПТОМИТЕ НА РАК НА БЕЛИТЕ ДРОБОВИ ЧЕСТО СЕ НЕСПЕЦИФИЧНИ: Овие 9 немојте да ги игнорирате

Иако е здодевна, зачестената кашлица е знак на кој повеќето луѓе ќе реагираат, симптомите на рак на белите дробови често може да бидат посуптилни отколку што мислите.

Општо е познат податокот дека пушењето цигари може да предизвика развој на карцином на белите дробови, но вестите не се добри дури и за непушачкиот дел од населението, бидејќи истражувањата покажале дека болеста се јавува кај приближно 30 проценти од непушачи и млади луѓе кои водат здрав живот.

Процентот на заболени непушачи постојано се зголемува, а ваквите податоци се припишуваат на зголеменото загадување на животната средина, употребата на бои и лакови во индустријата, азбестот во градежништвото, пасивното пушење, но и на различни генетски фактори.

Сите овие се повеќе од доволно причини секој од нас да научи да препознава симптоми кои може да укажуваат на малигни промени во белите дробови дури и ако не сме пушачи. Разговарајте со вашиот матичен лекар за сомнителните симптоми, особено ако тие се долготрајни и не можат да се ублажат со вообичаените методи.

1. ДОЛГОТРАЈНА КАШЛИЦА

Кашлицата која со текот на времето станува повлошена и поинтензивна е јасен предупредувачки знак. Густата слуз во боја на ‘рѓа може да биде ран знак на болеста, а сувата кашлица која трае повеќе од еден месец исто така треба да се провери.

2. ХРОНИЧНИ ИНФЕКЦИИ

Најчесто, вирусите или бактериите се виновни за инфекции на белите дробови како бронхитис и пневмонија. Меѓутоа, ако постојано се разболувате и се чини дека секоја болест оди директно во вашиот граден кош, тоа може да биде знак за рак на белите дробови. Овие инфекции можат да бидат предизвикани од самиот тумор или поради ослабен имун систем, покажуваат истражувањата.

3. БОЛКИ ВО ГРАДНИОТ КОШ

Хроничната болка во градите е еден од најочигледните знаци на рак на белите дробови, особено ако се интензивира при длабоко дишење, кашлање или смеење. Обрнете внимание дали болката се шири кон грбот и рамената. Без разлика дали болката е тапа или остра, разговарајте со вашиот лекар ако таа трае подолго време.

4. НЕНАДЕЈНО И НЕОБЈАСНИВО ГУБЕЊЕ НА КИЛОГРАМИ

Како и кај секој тип на рак, напреднатиот тумор може да создаде протеини во вашето тело кои предизвикуваат губење на тежината. Поради ова, може да забележите и намалување на апетитот.

5. БОЛКИ ВО КОСКИТЕ

Ако ракот на белите дробови се проширил на други органи во вашето тело, може да почувствувате болка длабоко во коските или зглобовите. Често болката се движи кон грбот и колковите.

6. ОПШТ ЗАМОР

Се разликува од нормалниот замор по тоа што се чувствувате толку исцрпено што едвај чекате да легнете, а дури и по долго спиење не се чувствувате подобро. Сличен замор се јавува и кај депресија и некои други состојби, затоа консултирајте се со вашиот лекар за да бидете сигурни дека точно сте го нашле изворот на вашиот замор.

7. СЛАБОСТ ВО МУСКУЛИТЕ

Ракот на белите дробови влијае на вашите мускули, како и на другите органи во телото. Едно од првите подрачја што ги напаѓа се колковите до таа мера да може да ви биде тешко да станете од стол. Карактеристична е и слабост во рамената, рацете и нозете. Клетките на ракот на белите дробови можат да произведат одредени хормони или да предизвикаат вашиот имун систем да нападне делови од вашиот нервен систем кои директно влијаат на вашите мускули, што доведува до слабост.

8. ОТОЦИ НА ВРАТОТ И ЛИЦЕТО

Ако туморот на белите дробови почне да ја притиска горната шуплива вена (големата вена што носи крв од главата и рацете до срцето), може да забележите отекување на вратот и лицето. Рацете и горниот дел од градниот кош исто така може да бидат погодени.

9. ВИСОКО НИВО НА КАЛЦИУМ ВО КРВТА

Некои форми на рак на белите дробови произведуваат супстанции слични на хормони кои ја нарушуваат рамнотежата на минералите во вашето тело, предизвикувајќи ослободување на вишокот калциум во крвотокот во некои случаи. Иако можеби за тоа не сте свесни додека вашиот лекар не ви нареди лабораториски тест, треба да внимавате на овие симптоми: често мокрење, прекумерна жед, запек, гадење, болка во стомакот и вртоглавица.