“Ризикот од појава на рак на желудникот расте со возраста; главно тоа се лица постари од 55 години. Мажите два пати почесто заболуваат од жените. Долготрајната инфекција со хеликобактер која живее на слузницата на желудникот е еден од примарните причинители за рак на желудникот. Ризикот за појава на ракот е поголем кај лицата кои во семејството имаат или имале заболен роднина, со некои ретки генетски пореметувања кои го зголемуваат ризикот за појава на овој тип на карцином“, појаснува проф. д-р Милорад Опачиќ.
Ова се шест работи кои морате да ги знаете за ракот на желудник, а вклучуваат и симптоми кои не смеете да ги игнорирате:
Ракот на желудник останува еден од водечките причини за смрт во светот
Истражувањата покажуваат дека за 10 години во САД бројот на случаи се намалил за 1,5% секоја година. Иако не се знае точната причина за намалувањето на бројот на пациенти, се смета дека станува збор за комбинација на фактори како користење храна која била чувана во фрижидер, намалено користење на сол и масти, намалена достапност на антибиотици…
Симптоми често се превидуваат
Во раната фаза на рак на желудникот можно е да не се забележат симптомите или се присутни само благи непријатности со варењето. “Иако симптомите може да бидат благи и измамувачки, ако не минуваат или се влошуваат, треба веднаш да се упатите на медицинска проверка“, напоменува онколошкиот хирург Роберт Лурие, од Универзситетот Нортвестерн. Во напредната фаза може да се појават и симптоми како крв во столицата, повраќање, рефлукс, губење на апетитот…
Одредени фактори може да влијаат на зголемен ризик
Најчесто се јавува кај лица постари од 55 години, и два пати почесто кај мажите. Бактеријата хеликобактер пилори, често е одговорна за појава на рак на желудникот, а останатите фактори вклучуваат прекумерна употреба на сол, сушена храна, алкохол, цигари, постоење на чир или изложување на одредени хемикалии.
Бројни тестови за потврда на дијагнозата
Ако сте забележале симптоми вашиот лекар веројатно ќе ве испрати на специјалист кои ќе ги направи потребните тестови за да дојде до дијагнозата.
“Во дијагностиката, прво е испитувањето – гастроскопија со биопсија. При проценка на проширеноста на болеста се користи ултразвук, компјутеризирана томографија, магнетна резонанца и нешто поретко лапароскопија“, појаснува д-р Опачиќ.
Лекувањето зависи од разни фактори
Предвид се земаат годините, општото здравје и историјата на болести.
Клиничките испитувања будат повеќе опции за третман за ракот на желудник
За пациентите кои ги исполнуваат условите, клиничките испитувања се начин како да се пронајдат најдобрите лекови, односно терапија за пациентот, особено во ситуации кога не постои втора опција.
