Синдромот на компјутерски вид (Computer Vision Syndrome – CVS) не ги оштетува очите, ниту предизвикува нивна болест, но доведува до површинска сувост, поради што очите чувствуваат напор бидејќи мора да се фокусираат.
Доколку во текот на денот поминувате повеќе од три часа пред компјутер, може да се случи повремено да гледате двојно или видот да ви биде замаглен. Ако со тоа чувствувате и главоболка, замор, болки во вратот и грбот, веројатно, страдате од синдром на компјутерски вид. „Луѓето кои седат пред компјутер недоволно трепкаат, бидејќи се фокусирани на она што го работат, па доаѓа до сушење и замор на очите“, предупредуваат истражувачите од Националниот институт за здравје во Вашингтон.
Синдромот на компјутерски вид може да предизвика лоша продуктивност во работата кај возрасните, а кај децата- потешкотии во учењето и слаби оценки во училиштето
Детскиот вид дополнително е оптоварен со долготрајното играње игри на компјутер или таблет, предупредуваат експертите, тврдејќи дека има се повеќе кратковидни деца поради прекумерна употреба на електронските уреди.
„Со цел да се избегне синдромот на компјутерски вид треба да користите капки за очи кои ја одржуваат влажноста и по можност да правите пауза по секои 15 минути работа“, вели д-р Рејчел Бишоп, шеф на стручниот тим од Вашингтон.
Тегоби предизвикани од синдромот на компјутерски вид
-
проблеми со видот (потешкотии во фокусирањето, промени во перцепцијата на бои, чувствителност на блескот, чувство на треперење)
-
проблеми со очите (суво око, црвенило, чешање, печење, зголемено солзење, тежина на очните капаци, непријатност при носење контактни леќи)
-
општи тегоби (главоболка, болки во вратот, рамењата, грбот, замор, поспаност)
