Тесните фармерки, панталони и долна облека може да предизвикаат вагинални воспаленија, а со оглед на тоа дека зачестеноста на инфекциите е зголемена, оваа состојба добила и медицински назив – „синдром на тесни панталони„.
Две големи независни истражувања од 1980 година (едно спроведено во Нигерија на 365 жени, а другото во САД на 203 жени), известуваат за почеста појава на вагинални габични инфекции кај жените кои носат тесни фармерки и тесна долна облека, во споредба со оние кои облекуваат комотна памучна облека.
Тесната облека ја ограничува циркулацијата на воздухот (природна вентилација), создавајќи топло и влажно окружување идеално за развој габички – така што најчестата вагинална инфекција, кандида, е речиси загарантирана.
Тесната облека влијае на природните функции во телото – како што е дишењето, крвотокот и варењето. Поради неа дишењето станува плитко, крвотокот слабее, а со самото тоа и помалку кислород кружи низ телото, паѓа концентрацијата, и доаѓа до замор, тромост, летаргија.
Поради неможноста за правилно дишење, може да се појави хипервентилација или напад на паника.
