Скокањето јаже е одлична кардио вежба, не само забава која ја сакавме како деца

Сигурно многу пати сте прочитале или виделе дека најпознатите светски модели на своите тренинзи скокаат јаже, но дали некогаш сте се запрашале зошто го прават тоа и што точно постигнуваат?

Скокањето не е популарно само затоа што ни ги оживува спомените од детството, туку прилично е ефикасно за обликување на телото и мускулите, благотворно делува на структурата на коските, како и способноста за координација и рамнотежа. Оваа теза ја потврдува и Тим Чурч, професор од Лујзијана стејт универзитетот.

„Ако неодамна сте прескокнувале јаже, тогаш знаете колку таа активност може да ви го забрза пулсот. Оваа вежба вклучува работа на целото тело, а прецизното ускладување на работата на рацете и нозете го поврзуваат долниот и горниот дел од телото со мозокот. Доколку оваа вежба ја практикувате секојдневно навистина може да очекувате дека ќе бидете во подобра рамнотежа“, вели Чурч.

Што се однесува до благотворното влијае кое скокањето јаже го има врз коските, првенствено се мисли на студијата која ја спровел Journal of Applied Physiology, а покажала дека испитаниците кои скокале три пати неделно имале многу поголема густина на коските во однос на оние кои не го правеле тоа.

 

Освен тоа очигледно е дека ова е ултимативна кардио вежба со која ќе се потите и потешко ќе доаѓате до здив. Меѓутоа за разлика од многу други слични вежби овде подеднакво ќе работат и нозете, и рацете, и рамената и грбот. И што е најдобро, интензитетот го одредувате сами зависно од тоа колкава ви е физичката подготвеност. Ако досега скокањето не било дел од вашиот тренинг, време е за промени, и тоа така што вежбате ќе ја изведувате околу 5 минути.