Скратениот сон поврзан со ниска минерална густина на коските

Жените кои спиеле пет или помалку часови во текот на ноќта, имале намалена минерална густина на коските во целото тело, колкот, вратот и ‘рбетот, во однос на жените кои спиеле седум часа во текот на ноќта.

Резултати од истражување во кое биле вклучени 11.084 жени во постменопауза, покажале дека прекраткото спиење е поврзано со поголем ризик од намалена минерална густина на коските и развојот на остеопороза.

Имено, жените кои спиеле пет или помалку часови во текот на ноќта, имале намалена минерална густина на коските во целото тело, колкот, вратот и ‘рбетот, во однос на жените кои спиеле седум часа во текот на ноќта.

Ризикот од пониска минерална густина на коските бил за 22% поголем, а ризикот од остеопороза за 63% поголем.

Според мислењето на стручњаците, овие резултати укажуваат дека недоволната количина спиење може негативно да влијае на здравјето на коските.