Скриени причини за подуеност на стомакот

Доколку нагло се зголеми количината на дневен внес на овошје, зеленчук, интегрални житарки во желбата за поздрава исхрана, со тоа се оптоваруваат органите за варење кои не се навикнати да имаат работа со толку влакна, што неизбежно ќе доведе до дополнителна подуеност.

Подуеноста предизвикува премногу воздух и гасови кои се заробени во органите за варење. Тоа е една од најчестите стомачни тегоби во целиот свет, а еве кои работи на кои често не им придаваме значење може да придонесат за тоа.

Џвакате гуми за џвакање. Кога џвакате гума за џвакање, ненамерно голтате дополнителен воздух, што придонесува за поголема надуеност. Но, тоа не е се. Повеќето гуми за џвакање, дури и оние без шеќер, содржат шеќерни алкохоли, како сорбитол кој дополнително предизвикува дуење.

Пиете со сламка. Иако ова може да изгледа наивно, секое вшмукување на течност низ сламка внесува и воздух кој доспева до органите за варење и со тоа предизвикува непотребна надуеност.

Храната ја голтате без многу џвакање. Познат е фактот дека варењето на храната почнува уште во устата. Тука таа се меша со плунката и посебните ензими кои ја разложуваат храната. Ако ја голтате храната без многу џвакање, отежнувате таа да се свари во желудникот и во цревата, што може да доведе до дополнително создавање на гасови. Освен тоа, кога брзо јадете, веројатно, голтате и многу воздух. Што значи, пожелно е да јадете свесно, полека и повеќе да ја џвакате храната.

‘Рчите навечер. Не само ‘рчењето, туку и дишењето на уста во текот на ноќта може да доведе до зголемена подуеност. Ако наутро се чувствувате поподуени отколку вечерта, веројатно, ова е причината.

Внесувате премногу растителни влакна. Растителните влакна се здрави и препорачливи, но истовремено се тешко сварливи и предизвикуваат гасови. Доколку нагло се зголеми количината на дневен внес на овошје, зеленчук, интегрални житарки во желбата за поздрава исхрана, со тоа се оптоваруваат органите за варење кои не се навикнати да имаат работа со толку влакна, што неизбежно ќе доведе до дополнителна подуеност. Освен тоа, големиот број на преработени намирници се „збогатени“ со растителни влакна за да станат поздрави, а тие дополнителни влакна се уште потешки за стомакот. Значи, ако сакате да ја зголемите количината на намирници богати со растителни влакна во својата исхрана, направете го тоа постепено во текот на неколку недели.

Често сте под стрес. Посредно, стресот често наведува брзо да јадеме и да ја голтаме храната, додека истовремено пречи на работата на органите за варење, така што најверојатно ќе доведе до зголемена надуеност. Ако знаете техники за релаксација да се намали стресот, на тој начин ќе ја намалите и можноста за подуеност на стомакот.