Доколку имате проблеми со првутот, покрај реакциите на некои препарати, на оваа појава може да влијаат и исхраната, честото миење коса, па дури и стресот.
Чувствителност на природни габички на главата
И покрај верувањето, првутот не се создава заради сув скалп. Оваа појава може да биде предизвикана и од појава на габи кои се хранат со маслото од косата. Затоа најчесто лицата кои имаат мрсна коса страдаат од првут.
Стрес
Нервозата и стресот влијаат на целиот организам, па така ни кожата на главата не е поштедена. Стресот го влошува здравјето на скалпот, што предизвикува чешање, лупење и осипи.
Не ја миете косата правилно
Доколку на косата не нанесете доволно шампон, или пак не го измиете целосно, кожата на главата ќе изреагира и ќе почне да се лупи, поради зголеменото лачење на себум, односно поради потните жлезди на скалпот.
Неправилна исхрана
Исхраната која не е богата со витамини и нутриенти го осиромашува квалитетот на кожата и косата. Покрај ова, некои намирници го зголемуваат првутот, како транс мастите и солите. Затоа, изберете храна богата со омега 3 масни кисеlини, како што се авокадо, ораси и маслинки, за да го спречите лупењето на кожата.
Премногу препарати
Гелови, пена и лакови за коса може да предизвикаат појава на првут, бидејќи кожата на главата побрзо со мрси и го зголемува ризикот од појава на габички кои предизвикуваат лупење на кожата.
