Следната година стигнува нов лек за рак, ефикасен и со помалку нуспојави?!

Тим на израелски научници тврди дека, веројатно, во текот на следната година ќе успее да развие лек за рак, објави весникот Ерусалим пост. Новиот лек се развива од страна на Акселерејтeд еволушн биотехнолоџис, компанија која постои од 2000 година.

„Веруваме дека за една година ќе може да го понудиме готовиот лек за рак. Нашиот лек ќе биде ефикасен од првиот ден, а лекувањето ќе трае неколку недели и нема да има нус појави или тие ќе бидат минимални, и ќе чини помалку од останатите лекови кои се нудат на пазарот“, вели Дан Аридор, раководител на компанијата.

Лекот, како што стои во најавата, ќе се нарекува „мутато“, а ќе користи комбинација на пептиди кои целат на ракот, и токсини кои ќе ги убијат клетките на ракот. Лекувањето ќе биде персонализирано и на пациентите, врз основа на нивниот вид на рак, ќе им се дава специфичен коктел од лекови.