Слип апнеата го дуплира ризикот од изненадна смрт

Се смета дека резултатите од оваа студија ја истакнуваат важноста на скринингот, дијагностицирањето и лекувањето на слип апнеата.

Анализа на 22 студии покажала дека пореметувањето на спиењето, познато како слип апнеа, може да го удвои ризикот од изненадна смрт. Исто така се покажало дека слип апнеата може и да го зголеми ризикот од висок крвен притисок, болести на коронарните артерии и конгестивно затајување на срцето.

Се смета дека резултатите од оваа студија ја истакнуваат важноста на скринингот, дијагностицирањето и лекувањето на слип апнеата.

Треба да се истакне дека кај лице со слип апнеа, ризикот од изненадна смрт растел со зголемување на неговата возраст.

Исто така треба да се напомене дека со стандардна терапија за слип апеа, намалување на телесната тежина, како и спиењето на страна, може да им користи на лицата кои се сочуваат со овој проблем.

Инаку, слип апнеата може да го зголеми ризикот од ненадејна смрт на неколку начини, вклучувајќи недостаток и прекин во снабдувањето на ткивата со кислород; фрагментација на сонот; воспаление; и хронично активирање на нервниот систем.