Можеби е случајност, а можеби и не, но, повеќето познати комичари доживеале длабока старост. Позитивните резултати од смеењето одамна се познати и добро проучени.
Преку истражувања се познати следните факти за смеењето: го подобрува протокот на крв и го снабдува организмот со кислород, го намалува крвниот притисок, го намалува нивото на кортизол (хормон на стресот) и ја намалува тензијата.
Меѓутоа, некои ефекти од смеењето не се толку очигледни, а многу се важни за општото здравје, а тоа е дека смеењето ја поттикнува работата на имуниот систем, ја намалува болката, ги намалува воспаленијата со низок интензитет, ги јакне крвните садови и го штити срцето. И на крај смеењето доведува до ослободување на ендорфин, познат и како хормон на среќа, од кој се чувствуваме многу добро.
За детално да испитаат како хормонот влијае на популацијата, норвешките истражувачи спровеле проучување кое траело 15 години и биле вклучени 53.556 испитаници. Кај секого го оценувале смисолот за хумор, а потоа се обиделе да го поврзат со тоа колку често се разболувале од инфекции, белодробни болести, срцеви заболувања и рак.
Резултатите биле зачудувачки. Кај жените со изразена смисла за хумор, истражувачите утврдиле дека имале 50% помали шанси да умрат од било која причина, а дури 75% помали шанси да умрат од срцеви заболувања. Кај мажите, на пример, лицата со изразен смисол за хумор имале 75% помал ризик од смрт предизвикана од инфекции. Во целина е утврдено дека лицата со висок смисол за хумор кои учествувале во ова истражување живееле минимум 85 години.
