Магнезиумот е еден од есенцијалните минерали кои му се потребни на организмот за зачувување на здравјето на клетките, ткивата и мускулите.
Дел е од околу 300 хемиски реакции, кои ја вклучуваат работата на метаболизмот, производството на нуклеинска киселина и протеини и во зачувување на здравјето на срцето.
Според некои научни истражувања, магнезиумот може да го намали ризикот од срцев удар за 53 проценти!
-
Освен што помага во работата на цревата, магнезиумот е клучен за многу витални процеси во нашето тело. Со него срцето чука во правилен ритам, мускулите функционираат подобро и помалку се грчат (што овозможува подобри спортски резултати), полесно се носиме со стресот, ја ублажува главоболката, спречува настинки и ја намалува штетноста од пушењето.
Магнезиумот се наоѓа во многу намирници, но е доста осетлив, па намирниците кои го содржат не е добро термички да се обработуваат. Иако препорачаната дневна доза е 300-400 милиграми, експертите советуваат дека дополнителни 100 милиграми можат да го подобрат здравјето на срцето и да спречат развојот на сериозна болест.
Симптоми на недостаток на магнезиум може да бидат неправилни срцеви удари, мускулни грчеви, главоболки…
Извори на магнезиум
Пред да забележите дека овој минерал ви недостасува, бидете сигурни дека го внесувате во организмот во доволни количини. Магнезиумот може да се најде во следниве намирници:
- Јаткасти плодови;
- Семки од тиква;
- Банани;
- Тофу;
- Овесна каша;
- Грашок;
- Какао;
- Грав;
- Брокула;
- Кикиритки.
