Пливањето тврдат стручњаците е најдобрата рекреација без оглед на годините и телесната тежина. За време на пливањето се активира секој мускул, а притисок на зглобовите не постои како што е случај со класичното вежбање.
Пливањето смирува
Докажано е дека пливањето, односно водата има смирувачко дејство на психата и делува колку и една медитација.
Ги ублажува симптомите на астма
Пливањето и нуркањето се одлични вежби за белите дробови, па со самото тоа се намалуваат и сите симптоми на астмата. Белите дробови работат посилно за крвта да добива доволно кислород, а здравствениот проблем значително се намалува колку подолго се плива.
Помал ризик од дијабетес
Со редовно вежбање, па и пливање се намалува нивото на шеќер во крвта. Со самото тоа се намалува и ризикот од развој на дијабетес.
Вежбање за трудници
Често им се препорачува на трудниците да пливаат секојдневно и така подобро да се спремат за породувањето, но и за да останат во добра форма после него. Се смета за одлична физичка активност затоа што телото не се напрега, нема оптоварување на зглобовите, нема задишаност и потење.
Го забрзува слабеењето
Само еден час пливање може да согори околу 500 калории, што е многу повеќе од правење класични вежби.
Подмладува
Не може во целост да ги отстрани брчките и да ја затегне кожата, но одвнатре го подмладува организмот и го продолжува животот.
