Со помош на лушпи од јајца ќе се лекуваат скршени коски и ќе се поправаат заби

Научниците се надеваат дека ова откритие ќе помогне во лекувањето на луѓето кои доживеале повреда и скршеница заради старост или болест

Научниците тврдат дека лушпите од јајца можат да помогнат кај скршени коски, затоа што мешавината од мелени лушпи и посебен вид лепак довела до регенерација на коските кај глувци. Мешавината може да се користи и кај луѓето за да се забрза процесот на зараснување на скршените коски и да се санира брзо повредата. Научниците се надеваат дека ова откритие ќе помогне во лекувањето на луѓето кои доживеале повреда и скршеница заради старост или болест. Тоа е еден од природните начини кој не ја загадува околината.

Техниката е развиена на Универзитетот Масачусетс во тимот на доктор Гулден Камчи – Унала.

„Ова е прво истражување кое користи лушпи од јајца и хидрогел како лек за скршени коски. Веќе пријавивме патент и мошне сме возбудени заради резултатите. Се надеваме дека процесот ќе биде во употреба на многу различни начини“, рекол доктор Гулден.

Неговиот тим се надева дека овој патент ќе може наскоро да се користи во лекувањето на скрешните коски, но и кај пациентите кај кои недостастува некој дел од коската или самата коска. Ова е дополнителна поддршка за пациентите кои се наоѓаат на рехабилитација. Се претпоставува дека целиот метод може да се користи и во реконструкција и регенерација на забите, ’рскавиците и тетивите.

„Годишно се фрлаат милиони тони лушпи од јајца од домаќинството и производството. Со рециклирање и нивна повторна употреба можеме директно да ја помогнеме економијата и да направиме одржливо решение за клиничките потреби“, рекол докторот.