Заврши првиот Балкански конгрес на уролози Со сесија за актуелните трендови во третманот на бубрежна траума, денес со Охрид и официјално заврши првиот Балкански конгрес на уролози, во организација на Здружението на уролози на Македонија. Она кое сите учесници го истакнаа за особено важно е фактот што се поставија начелата на Балканското здружение на уролзи, каде по личен избор може да членува секој уролог од регионот, но и пошироко.
“Поставувањето на принципите на работа на Балканското здружение, како и формирањето на телата кои ќе функционираат во негови рамки овде во Охрид, значат ветување дека допрва ќе се развиваме, ќе вбројуваме нови членови, и ќе имаме навистина што да кажеме и направиме во иднина. Од таа причина ги повикувам сите колеги да станат дел од ова здружение“, рече доц. д-р Оливер Станков на затворањето на првиот Блакнаки конгрес на уролози, кои изминативе три дена се одржа во Охрид.
Според претседателот на Здружението на уролози на Македонија, доц. д-р Станков овој први балкански конгрес помина како исклучително успешен настан, на кој свои излагања, предавања, постер сесии и размена на искуства понудија 250 лекари од целиот балкански регион. Се зборуваше за уроонкологијата, уропатологијата, реконструктивната урологија, роботика, лапароскопија и за се останато поврзано со урологијата.
“До наредниот, 2. Балкански конгрес, ви посакувам успешна работа и голем успех“, изјави на крајот доц. д-р Станков.
А.Стојановска
