Со топлото време доаѓаат и летните настинки. Како да разликувате дали сте само настинати или имате КОВИД-19?

Летните настинки може да поминат брзо, но може да ги оневозможат и секојдневните активности, па затоа внимавајте на симптомите и превземете ги потребните чекори за што побрзо да се опоравите.

Никому не му е јасно како е можно да се настине на плус 30 степени. Но, летните настинки не се реткост, а во јули и во август може да настинете исто како и во декември или јануари. Многумина мислат дека настинката е резервирана за во зимскиот период, но и покрај таа честа заблуда, студеното време не е предуслов за кашлица и висока температура.

Луѓето често не знаат дека имаат летна настинка, туку симптомите ги препишуваат на алергии и продолжуваат да се однесуваат како ништо да не било. Токму поради сличните симптоми, како течење на нос, кивање и кашлање или воспалено грло, многумина несвесно ја шират зараза.

Ако симптомите ги имате кратко, 7-10 дена, тогаш се работи за настинка, бидејќи алергијата трае многу подолго. Исто така, ако се менува интензитетот на симптомите, на пример, почнуваат поблаго, па одеднаш се засилуваат и одеднаш ги снемува, се работи за настинка, бидејќи алергијата се одликува со конзистенција.

За среќа, летните настинки не се поинакви од зимските, ниту по прашање на лекувањето, затоа држете се до златните правила:

  • Одморете се! Погрижете се на телото да му обезбедите доволно сон и намалете го дневниот напор. Иако се работи за лето и сакате да излезете, избегнувајте стрес колку е можно повеќе за да го заштитите имуниот систем.
  • Пијте доволно течности, особено вода! Обрнете посебно внимание на хидратизација на телото, бидејќи во летниот период ни се потребни повеќе течности. Иако не е прв избор за жешките летните денови, топлиот чај може да ги ублажи симптоми и да помогне побрзо да се помине настинката. Внесувајте доволно витамини и минерали, особено оние кои го поддржуваат имунитетот, како витамин Ц, железо или цинк.

КОЛКУ ДОЛГО ТРАЕ ЛЕТНАТА НАСТИНКА?

Трае неколку дена и должината зависи од тоа во каква состојба се наоѓа организмот. Во просек, настинката трае 10-тина дена, со тоа што драстично подобрување се чувствува по 5-7 дена. Децата и младите се опоравуваат побрзо од возрасните, додека старите лица може да се борат со неа и подолго од две недели. Освен возраста и целокупната состојба на имуниот систем, времетраењето на настинката може да се скрати и со одмор и со користење на лекови кои помагаат за ублажување на симптомите.

КОВИД-19 ИЛИ НАСТИНКА?

Со оглед на епидемиолошката ситуација, сигурно сте загрижени како да разликувате сезонска настинка од КОВИД-19. Бидејќи се работи за многу слични симптоми, а болеста се шири на ист начин. За почеток, настинката е многу помалку заразана од новиот коронавирус, доколку само еден член од семејството покажува симптоми, а останатите се добро, многу е веројатно да станува збор за обична настинка. КОВИД-19 исто така предизвикува многу поизразени симптоми на болеста, поради тоа што се уште немаме развиено имунитет на овој вид на вирус. Кај обичната настинка, која со векови се јавува кај луѓето, развиен е имунитет кој доволно не штити и можеме самостојно да ја преболиме со помош на течности и лекови.

Доколку вие или лице со кое живеете има поизразени симптоми со зголемена телесна температура, болки во телото и отежнато дишење, можно е да се работи за посериозен проблем во однос на обична настинка. Доколку симптомите не се толку изразени, најверојатно се работи за настинка и нема потреба за паника, туку треба да се однесувате одговорно и да се самоизолирате. Во секој случај, консултирајте се со вашиот матичен лекар кој ќе ви даде соодветни упатства.