Без оглед на тоа дали имате обичај наутро штом се разбудете да правите вежби за истегнување, кога долго седите во текот на денот, или пред или после вежбање, станува збор за добра навика со оглед на тоа дека овие вежби навистина ја подобруваат циркулацијата и ги намалуваат шансите за повреда. Вежбите за истегнување, исто така, ја подобруваат рамнотежата и мускулната координација, па ги намалуваат шансите за паѓање.
Само неколку минути квалитетно истегнување во денот ќе доведат до подобрување на протокот на крв во целото тело и ќе ве разбудат
Доколку ве совлада заморот веќе во текот на работното попладне, направете кратка пауза за време на која ќе направите неколку вежби за истегнување на вратот, рамената и грбот, како и вежби за размрдување како кревање и спуштање на рамениците, кружење со рамениците нанапред, кружење со рачните зглобови или поткревање на колената. Само неколку минути вежби од овој тип моментално ќе го подобрат протокот на крв во целото тело и ќе ве разбудат.
