Сомнеж за хепатитис од непознато потекло кај дете во Србија

Во Србија се истражува еден случај кај дете за кое постои сомневање дека има акутен хепатитис од непознато потекло, односно болест на црниот дроб најверојатно предизвикана од аденовирус, кој е дијагностициран кај деца од предучилишна и училишна возраст во над 20 земји во светот.

Во Србија се истражува еден случај кај дете за кое постои сомневање дека има акутен хепатитис од непознато потекло, односно болест на црниот дроб најверојатно предизвикана од аденовирус, кој е дијагностициран кај деца од предучилишна и училишна возраст во над 20 земји во светот.

Лекарите се сомневаат дека кај ова заболено дете кое се лекува во една од белградските болници се работи токму за мистериозната болест на црниот дроб. Тие во моментов работат на испитувања со цел да утврдат дали навистина се работи за аденовирус кој првично се појави во Велика Британија, а потоа и уште над 20 земји.

Професорот Драган Делиќ, гастроентерохепатолог вели дека се работи за акутно новонастаното оштетување на црниот дроб, за акутен хепатитис од непознато потекло, односно непознат причинител.

Според објаснувањата на професорот, зад оваа болест со непознат причинител, најверојатно стои некој инфективен агенс, а првите резултати укажуваат дека се работи за аденовирис серотип 41.

“Првите резултати покажуваат дека можеби е аденовирус, бидејќи се работи за деца од предучилишна и училишна возраст и дека е серотип 41. Аденовирусот има 49 серотипови, исто така, аденовирусот може да даде многу шарена клиничка слика – од воспаление на ждрелото, фарингитис, фарингитис, конјунктивитис, менингитис, енцефалитис, воспаление на москот, пневмонија, гастроинтестинални проблеми, повраќање, дијареа …. Ако е точно дека се работи за аденовирус, тогаш може да значи дека е променет, па дава клиничка слика за акутно оштетување на црниот дроб поради аденовирусна инфекција. Но, повторувам, тоа треба да се потврди. Сега стапуваат на сила епидемиолозите за да ги видат овие начини на ширење, а секако и вирусолозите, молекуларните биолози да го докажат инфективниот агенс, ако се работи за инфективен агенс – објаснува проф. Делиќ.

Според него нема причина да се крева паника, но дека треба да се применуваат мерки на превенција – лична и колективна хигиена.