Сончевите зраци се извоr на живот и затоа на сонцето не треба да се гледа како на непријател. Сонцето на вашето тело ќе му даде витамин Д и ќе ве направи посреќни и позадоволни. Неговата топлина ги грее нашите мускули и зглобови и ги опушта тетивите. Но сонцето, ако се претера, може да напрви и штета. Во оваа смисла трудниците се посебно чувствителни и затоа обидете се да се држите до следните совети.
Без крема не: добрата заштита се препорачува секогаш затоа што кожата во бременоста е почувствителна и полесно гори. Добар избор се препаратите без нано честички и парабен, значи подобро земете креми за бебиња и деца. И се разбира, сончајте се наутро и доцна попладне, а во текот на денот одмарајте под сенка.
Станувајте полека: Заради дополнителното оптоварување на циркулацијата, топлината и наглите движења можат да предизвикаат вртоглавица и несвестица. Значи, подобро е да седите отколку да лежите. Ако веќе лежите, тогаш станувајте полека.
Со себе секогаш имајте течности: Голтка вода може да помогне доколку ви падне притисокот или „потфрли“ циркулацијата.
Совет за мајките во 2 и 3 тримесечје: И бебињата во стомакот сакаат сончева светлина, затоа што тоа продира низ слоевите кожа на стомакот и ја обојува внатрешноста на домот на бебето во топла и светла црвена боја. Затоа секој ден пуштете малку сонце на голиот стомак и набљудувајте што ќе каже вашето бебе на тоа.
Уште некои интересни потрепштини за на плажа за трудниците:
- Стабилни обувки;
- Носете резервен костим за капење за да спречите инфекции и воспаленија;
- Шишенце со распрскувач кој ќе го наполните со термална или обична вода. Со неа повремено испрскајте ги лицето, рацете и нозете …
- Крај себе секогаш имајте нешто за грицкање заради можен пад на шеќерот.
