Контролирањето на телесната температура е сложен процес, при што е потребно нервниот и хормонскиот систем да ги усогласат своите функции. Иако на секој човек може да му биде студено, особено кога температурите ќе паднат и ќе се промени времето, сепак преголемата и постојана чувствителност на студ може да бидат знак и за посериозни здравствени состојби.
Еве кои се најчестите причини зошто постојано ви е студено:
Проблеми со штитната жлезда
Штитната жлезда е одговорна за контрола на метаболните процеси. Доколку метаболизамот се забрза при зголемување на нејзината функција, тогаш се јавува хипертиреоиза, а како резултат на тоа се појавува потењето и чувството на топлина. Кога штитната жлезда ќе ја намали нејзината функција, настанува спротивна ситуација, односно се појавува хипотироидизам. Во овој случај на човекот може да му биде студено поради забавување на метаболизамот.
Промени во протокот на крвта
Луѓето кои имаат низок крвен притисок вообичаено чувствуваат поголем студ. Тоа се должи на фактот што во тие ситуации се јавува стеснување на крвните садови на кожата, тоа, пак, доведува до намалување на локалниот крвоток, што воедно му пречи на еден од механизамите одговорни за телесната топлина. Оваа појава може да се јави и при состојба на анемија, при која се намалува бројот на црвени крвни клетки, кои се одговорни за пренос на кислород до ткивата.
Терапија
Лекарствата кои имаат некаков ефект врз вегетативниот нервен систем може да доведат до промена во дијаметарот на крвните садови. Тоа влијае на протокот на крвта низ кожата, предизвикувајќи зголемена чувствителност на студ.
Промени во исхраната
Храната е клучен фактор за внесување на хранливи материи во организмот. Доколку тоа не се случи, телото ќе започне да реагира на недостатокот на истите, кои се неопходни за негово правилно функцонирање. Затоа и се случува луѓето кои се соочуваат со значителна загуба на телесната тежина лесно да станат почувствителни на студ.
