Спаѓате ли во групата на паметни луѓе?

Активностите кои ги бирате сами, а кои не се неопходни, се најмоќниот показател за вашите приоритети како личност

Велат дека делата се поважни од зборовите, па така луѓето ги проценуваме врз основа на она што го прават, а не она што велат дека ќе го направат. Имајќи го тоа на ум, постојат наизглед мали работи, кои зборуваат многу за нашата интелигенција, а притоа не мора да изустиме ниту збор. Спаѓате ли вие во групата на паметни луѓе?

Доаѓате на време

Доколку често и многу доцните, вие покажувате непочитување. Со тоа што ќе дојдете на време покажувате грижа за другите, но и дека сте пресметале колку време ви треба до одредена локација. Ценете го не само туѓото, туку и сопственото време.

Се облекувате соодветно

Облеката е многу повеќе од обичен предмет за облекување. Не само што го покажува вашиот статус и ниво на свесност (на пример, изборот на еден бренд во однос на другите или вештачка кожа наспроти природна), туку, исто така, покажува и дека умеете да ја разберете важноста на одредена ситуација, како и правилата на облекување што и доликуваат на таа ситуација. Преку облекувањето се претставувате себеси.

Помните мали работи

„Вистинската тајна на среќата лежи во искрената заинтересираност за малите детали од секојдневниот живот“, рекол Вилијам Морис, англиски сликар, архитект, поет и писател.

И сосема е во право. Ако се сетите на мали работи поврзани со другите луѓе, веднаш ќе ги придобиете. Тоа може да бидат ситници како што се – омилен сок, каков вид на кафе им се допаѓа, што сакаат да носат итн. Ова покажува дека ги слушате и дека ви е гајле за нив.

Начинот на кој го уредувате просторот зборува многу за вас
Што имате на ѕидовите?

Кога некој ќе влезе во вашата канцеларија или во вашиот дом, ѕидовите веднаш ќе му кажат кој сте. Како го уредувате просторот многу зборува за вас – што ве мотивира и ве интересира, што или кого цените. Изберете ги оние работи што одговараат на вашиот карактер.

Чевли

Да, добро прочитавте. Сè друго може да се усогласи – шминка, фризура, облека, но обувките го покажуваат вашиот вистински стил и вашата личност. Така, на пример, некој може да облече стари фармерки и маица, но со убави чевли, сè изгледа поинаку.

Вие сте одраз на пет луѓе со кои поминувате најмногу време

Запишувате

Некој може да запамети голема порачка и порака без пишување, но ова ретко се случува. Со тоа што го запишуваме она за кое не сме сигурни дека ќе го запамтиме, не покажуваме слабост. Покажуваме дека сме одговорни спрема она што треба да се запомни или пренесе. Не се вели џабе: будалата памти, паметниот запишува.

Ги трошите парите мудро

Како ги трошите парите многу јасно ги одразува вашите вредности како личност: на кого или на што трошите пари, кога и каде. Трошењето пари треба да биде планирано и наменски, а не стихијно.

Како го инвестирате вашето време

Активностите кои ги бирате сами, кои не се неопходни, се најмоќниот показател за вашите приоритети како личност. Дали го поминувате времето така што работите на себе? Читате, учите, го одморате вашето тело и дух? Размислете што навистина правите.

Храната која ја јадете

Колку се грижите за себе, може да се види според тоа која храна ќе одлучите да ја консумирате. Покажувате дисциплина и доследност. Како и тоа каква врска имате со себе. Некои би рекле – вие сте она што јадете.

Круг на пријатели

Вие сте одраз на пет луѓе со кои поминувате најмногу време. Или како што се вели – со кој си, таков си. Многу е важно да се дружиме со вистинските луѓе, со оние кои ни одговараат, кои не охрабруваат и кои не ценат.