Лошото здравје може да го наруши сонот, но лошиот сон исто така може да биде предупредување или да претставува ризик, велат експерите.
Постојат докази дека сонот помага за обновување, одмор и подмладување на телото и умот, но останува нејасно зошто “златниот број на часови спиење“ може да биде важен.
Студијата на PLoS Medicine ја следела врската помеѓу здравјето и сонот меѓу британските државни службеници. Сите околу 8.000 учесници биле прашани: Колку часа спиете во просек неделно? Некои носеле и рачни часовници за следење на спиењето.
Во текот на 20-годишното следење, тие биле проверувани за хронични состојби, вклучувајќи дијабетес, рак и срцеви заболувања. Оние кои спиеле пет часа или помалку околу 50-тата година од животот, имале 30 отсто поголем ризик од повеќе болести од оние кои спиеле седум часа.
Пократкиот сон на возраст од 50 години, исто така бил поврзано со поголем ризик од смрт во текот на периодот на студијата, главно поврзан со зголемен ризик од хронични болести. Генерално се препорачува околу седум или осум часа сон, велат истражувачите од Универзитетскиот колеџ во Лондон и Универзитетот Париз Сите.
