Денес, Владата во координација со Комисијата за заразни болести донесе дополнителни мерки за справување со коронавирусот во земјава.
МЕРКИТЕ, ПРЕПОРАКИТЕ И ЗАБРАНИТЕ СЕ:
- Да се прекине наставата и воспитно-образовниот процес во сите градинки, основни и средни училишта во наредните 14 денови.
- Да се ослободат вработените од работните обврски во овие институции.
- За еден родител на деца до 10 годишна возраст се дозволува целосно платено отсуство од работа, во јавните и во приватните институции во период од наредните 14 дена.
- Се прекинува наставната дејност и во високообразовните установи на територија на целата земја, како и сите јавни научни институти
- Се забрануваат масовни собири и настани на отворен и затворен простор со над 1000 ученици на територијата на целата земја во наредните 14 денови, а се препорачува да се откажат и да не се организираат и настани под оваа бројка.
- Се забранува одржување на спортски натпревари со публика во периодот од наредните 30 дена, почнувајќи од денес.
- Се воведува задолжителна самоизолација на сите лица кои доаѓаат од високо и средно ризичните земји во период од 14 дена, согласно листата на држави според СЗО.
- Се забранува извоз на медицинска опрема, медицински средства и материјали од страна на економскиите оператори и производители од територијата на земјава, а во врска со тоа што може да бниде потребно за третман на овие пациенти заболени од коронавирус, освен со посебна дозвола од МЗ.
- Препорака на возрасните и високо ризичните категории на лица со хронични болести да го намалат своето движење и да го избегнуваат јавниот превоз.
- Се препорачува избегнување на патувања во земји со висок и среден ризик согласно листата на СЗО
- Физичките и правни лица кои нема да ги почитуваат препораките ќе бидат казнети согласно законската регулатива.
- Се забранува меѓународен организиран автобуски превоз кон високо ризичните земји од и кон земјава.
- Препорака до сите органи на државната управа, до единиците на локалната самоуправа и до приватните компании за времен прекин на работните обврски, односно неодење на работа на бремените жени и хронично болните лица.
- Владините институции ги прекинуваат сите организирани настани, конференции и патувања.
Во моментов, според изјавата на министерот за здраство, Венко Филипче 100 лица се во задолжителна изолација, а вкупниот број на заболени изнесува 7, и сите според него, се со лесна клиничка форма на болеста, и не им е потребна механичка вентилација нема потреба.
Во моментов се прави тестирање на 16 годишна пациентка, која е со неспецифични симптоми на горните респираторни органи.
ТЕСТИРАЊЕ САМО ВО ИНСТИТУТОТ ЗА ЈАВНО ЗДРАВЈЕ
Министерот Филипче, истакна дека во земјава се прават тестови во лабораторијата на Институтот за јавно здравје која е единствено акредитирана лабораторија за таа намена. Тој потенцира дека тестовите и само тука треба да се прават, да бидат унифицирани се со цел да се избегне конфузија во толкувањето на резултатите.
