Истражувачите од Империал колеџот во лондон ги споредиле податоците од 11.329 лица со потврдена или веројатна инфекција со омикрон со податоците од 200.000 лица заразени со други варијанти на коронавирусот.
По вчера објавениот извештај кој се уште не поминал стручна рецензија засега “нема докази според кои омикрон е помалку сериозна варијанта на коронавирусот од делта, ако се цени според процентот на позитивни лица кои пријавиле симптоми или според процентот на случаи кои барале хоспитализација и болничка нега по инфекцијата“.
Кога се во прашање вакцините достапни во Обединетото Кралство, нивната ефикасност против симптоматските инфекции со омикрон била во распон од 0 проценти до 20 проценти по две примени дози вакцина, односно 55 помеѓу 55 проценти и 80 проценти по бустер дозата.
Во извештајот на Империал колеџот стои и дека, откако биле земени предвид индивидуалните ризик фактори, шансите поединец повторно да се зарази со омикрон се 5,4 пати поголеми отколку во случај на повторна инфекција со делта варијантата.
Студија објавена пред појавата на омикрон укажувала дека прележувањето на вирусот SARS-CoV-2 обезбедува 85 проценти заштита од повторна инфекција во период од шест месеци, додека “заштитата од повторна инфекција со омикрон по прележана болест добиена од претходна инфекција изнесува само 19 проценти”.
