Спуштени стапала – кои се причините и како да се поправи состојбата?

Кај возрасните кои имаат деформација на стапалата – попречно спуштени сводови (лакови) се појавува болка во предниот дел на стапалото која се нарекува метатарзалгија.

Збирот на сите мускули на телото ги одржува сводовите на стапалата. Со оглед дека мускулите зајакнуваат околу третата година на животот, тогаш се формираат и стапалата.

Во состојба на диспропорција на силата на мускулите и силата на оптоварување на стапалата постепено се развиваат спуштени стапала.

Кога се зборува за спуштени стапала тие може да се поделат во две категории:

  1. Надолжно спуштени лакови на стапалата и
  2. Попречно спуштени лакови на стaпалата.

Кај возрасните кои имаат деформација на стапалата – попречно спуштени сводови (лакови), се појавува болка во предниот дел на стапалото која се нарекува метатарзалгија. Најчест причинител за метатарзалгија се чевлите со високи потпетици, бидејќи во потпетици е нагласено оптоварувањето токму на предниот дел на стапалото. Поради тоа се сугерира носење на чевли на пета до пет санитиметри висина.

Спуштените стапала се причина за послаба мускулна маса, па секое подолго оптоварување на стапалата предизвикува болка, а целата мускулатура побрзо се заморува. По некое време, мускулите стануваат послаби, што ја успорува циркулацијата и што резултира со отоци во нозете.

Најчести симптоми на спуштени стапала се чувство за замор во нозете и појава на грчеви во листовите на нозете, навечер. Најдобро е веднаш при појава на вакви симптоми да се контактира специјалист ортопед, бидејќи ако не се реагира навреме, подоцна доаѓа со деформитети на ножните прсти и болни притисоци.