Доколку сакате убаво да стареете, веднаш променете ги следниве навики…
Спиете на лице
Ако спиете на лице, гравитацијата ќе го направи своето и ќе ја повлече течноста од вашето лице надолу. Исто така, ќе предизвикате и загуба на колаген, а потоа доаѓа до непоправливи последици.
Кожата со текот на времето и со губењето на колагенот почнува да се опушта со што ќе изгледате постари отколку што навистина сте
Не го миете лицето пред спиење
Не е невообичаено жените да заборават да ја отстранат шминката пред спиење, но, секако, тоа е нешто што е задолжително пред спиење.
Неопходно е да се направи за да ја отстраните нечистотијата, потта и шминката насобрани во текот на денот на вашето лице. Порите се запушуваат и кожата дише потешко, а ако имате мрсна кожа, на овој начин само ја правите уште помрсна.
Премногу производи за кожа
Од вишок глава не боли, но во овој случај тоа не е вистина. Производи кои содржат ретинол се користат за да се спречат брчките, но кога ќе се измешаат со бензоил пероксид во борбата против акните, тоа може да ја направи вашата кожа сува и да ја зголеми иритацијата на кожата. Ова многумина не го знаат, па мешаат различни производи.
Недоволно внесување на течности
Хидрацијата е многу важна. Од краткорочна перспектива, дехидрацијата води до сува кожа на која се појавуваат мозолчиња. Постојаната дехидрација може да предизвика губење на еластичноста на кожата. Се препорачува „хранење“ на кожата со најмалку шест чаши вода дневно.
