СТЕ ПРЕЛЕЖАЛЕ КОВИД-19 БЕЗ ИЛИ СО БЛАГИ СИМПТОМИ? Лекарите откриваат дека и кај вас болеста не поминала без последици, само не сте свесни дека имате пост-ковид синдром

Голема студија на Медицинскиот центар при Универзитетот во Мајнц покажува: дури и лицата кои не знаеле дека се заразени со коронаввирусот може да страдаат од постковиден синдром. Притоа, жените се почесто погодени.

Пост-ковид синдромот, кој во светот често се нарекува и долг КОВИД-19 е болест која е тешко да се сфати. “Ова вирусно заболување е камелеон. Може да развие многу сосема поинакви форми. За лекарите од општа пракса речиси е невозможно јасно да утврадт дали симптомите се поврзани со претходно прележан КОВИД-19 или не“, вели Улрих Форстерман, декан на Медицинскиот факултет во Мајнц.

Норберт Фајфер, медицински директор на Универзитетската клиника во Мајнц, нагласува дека со оглед на долгата листа од над 60 различни симптоми поврзани со пост-ковид синдромот, многу е тешко да се постави јасна дијагноза. Заболените најчесто се жалат на исцрпеност, замор, но и на несоница, главоболка и вртоглавица. Доготрајните ефекти од инфекцијата може да доведат и до повеќекратни болести на органиите, кардиоваскуларни болести, крвни згрутчувања, па дури и срцев или мозочен удар, како и разни нервни болести.

Со оглед на тоа дека симптомите вообичено се многу неспецифични, на бројни медицински работници не им паѓа на ум дека симптомите имаат било каква поврзаност со коронавирусот.

ГОЛЕМА И СЕОПФАТНА СТУДИЈА

Со цел подобро да се разбере болеста, Универзитетскиот медицински центар во Мајнц работи на долгорочна студија на пациенти, таканаречена „Гутенберг здравствена студија“. Во него со години учествуваат околу 15.000 лица. Голем дел од нив сега учествуваат и во “КОВИД студијата“, која трае година и половина, односно за постковидниот синдром што произлезе од неа.

Долгорочното истражување се уште е во тек, но покажало дека една третина од луѓето заразени со коронавирус, како што е потврдено со серолошки тестови на крвта, не ни знаеле дека се инфицирани. Ризик фактори за КОВИД-19 биле многу лошите услови за домување. И јасно е дека оние кои се опоравиле од КОВИД-19 се уште се далеку од здрави.

Филип Вајлд, автор на студијата информираше дека 4,9 отсто од населението веќе билозаразено. Меѓутоа, тој нагласува дека поради омикрон сојот се очекува значителен пораст на таа бројка.

НЕСВЕСНО ЗАРАЗЕНИТЕ СЕ ЖАЛАТ НА НАМАЛУВАЊЕ НА СПОСОБНОСТИТЕ

Само 61,9 проценти од заразените знаеле за својата инфекција, а 35,1 процент имале асимптоматско или толку лесно заболување, што не претпоставиле дека се заразени со коронавирусот. Затоа е изненадувачки што некои лица имале пост-ковид синдром и покрај покрај почетниот асимптоматски тек на КОВИД-19.

Така 48,2 процените од несвесно заразените имале благи симптоми на пост-ковид синдромот, барем привремено, 8,6 проценти имале умерени, а 1,5 проценти имале тешки симптоми. За споредба, од оние кои знаеле дека имаат КОВИД-19, 51,9 проценти имале благи, долготрајни симптоми, 28,6 проценти имале умерени, а 12,6 проценти имале тешки симптоми.

Меѓутоа, долгорочно, сликата се менува: процентот на оние кои биле несвесно заразени и чие здравје по КОВИД-19 било полошо отколку пред пандемијата изнесува 22,4 проценти, само малку повеќе отколку меѓу оние  кои воопшто не биле заразени (22 проценти).

Значи, можеби пандемијата и околностите на изолација поврзани со неа генерално довеле до влошување на здравјето на луѓето. Ова не им олеснува на лекарите јасно да го идентификуваат постковидниот синдром. Ефектот бил најизразен кај оние кои на почетокот имале симптоми на КОВИД-19 (29,8 проценти).

ПОВЕЌЕТО ПАЦИНЕТИ СЕ ЛЕКУВАЛЕ ДОМА

Поголемиот дел од заразените или 90,7 отсто ја прележале инфекцијата дома без да одат на лекар, а 5,8 отсто морале да одат во болница. Само 3,5 отсто биле на амбулантско лекување.

Триесет проценти од сите заразени учесници во студијата изјавиле дека по инфекцијата физички повеќе не можат да го постигнат она што го можеле пред пандемијата. Притоа, споредна улога имало тоа дали инфекцијата била симптоматска или асимптоматска. Околу 15 отсто  чувствуваат ограничувања во секојдневниот живот, а повеќе од шест отсто на работното место.

Кога станува збор за тоа колку е тешка формата на постковидниот синдром, мала улога имала возраста на пациентите – кај постарите била само малку поизразена. Меѓутоа, родовата разлика била појасна: меѓу жените, 45,8 отсто од заразените имале долготрајни симптоми на КОВИД-19, а меѓу мажите само 34,6 отсто.

“Важно за оние кои се погодени е следново: со текот на времето симптомите се повлекуваат, но има и група која страда од трајни симптоми“, потенцира Вајлд.