СТЕ ПРЕЛЕЖАЛЕ КОВИД-19? Ризикот да ви се појави тромб трае и до шест месеци по заразата

Научниците откриле дека пациентите со КОВИД-19 имаат поголем ризик од белодробна емболија, крвно згрутчување кое ги блокира артериите во белите дробови, до шест месеци по инфекцијата. Постоела и зголемена опасност од длабока венска тромбоза – крвно згрутчување кое обично се наоѓа во нозете – до три месеци по заразата со коронавирус.

Лицата кои имале КОВИД-19 имаат зголемен ризик од развој на сериозни крвни згрутчувања до шест месеци по инфекцијата, дури и во случаи на блага зараза, покажало истражување објавено вчера.

Претходни истражувања покажале дека КОВИД-19 го зголемува ризикот од крвни згрутчувања, но нова студија објавена во медицинското списание BMJ, покажува колку долго може да трае заканата.

За да дознаат, научниците ги споредиле подтаоците на над еден милион лица во националните регистри на Шведска кои се заразиле со КОВИД-19 од март 2020. до мај 2021., со контролни групи од над четири милиони кои не биле позитивни.

Откриле дека оние со КОВИД-19 имаат поголем ризик од белодробна емболија, крвно згрутчување кое ги блокира артериите во белите дробови, до шест месеци по инфекцијата. Постоела и зголемена опасност од длабока венска тромбоза – крвно згрутчување кое обично се наоѓа во нозете – до три месеци по заразата со коронавирус.

Откако земале предвид многу фактори, откриле 33 пати поголем ризик од белодробна емболија кај оние кои имале КОВИД-19, како и петкратно зголемување на ризикот за длабока венска тромбоза.

Лицата кои имале тешки симптоми на КОВИД-19 и оние со такви здравствени состојби од претходно, биле во поголем ризик, покажало истражувањето.

Дури и лицата кои имале блага форма на болеста и на кои не им била потребна хоспитализација, имале поголема опасност од белодробна емболија и длабока венска тромбоза.

Шансите за формирање на згрутчување (тромб) биле поголеми за време на првиот бран на пандемијата отколку во подоцнежните фази, што според научниците се должи на покриеноста со вакцини и подобриот третман како што одминуваше времето.

Научниците велат дека нивните наоди имаат “големи импликации за здравствената политика“, повикувајќи на дополнително лекување за да се спречи создавање на крвни згрутчувања, особено во случаи со висок ризик.

Тие исто така нагласуваат дека нивните резултати ја истакнале важноста на вакцинацијата. Научниците “потсетуваат на потребата да останеме вниматели во поглед на компликациите поврзани дури и со блага инфекција со вирусот SARS-CoV-2.