Добриот сон се смета за време на исклучување и одморање на мозокот, но студии покажуват дека тоа е одличен период за тренирање и подобрување на помнењето.
Во истражувањето кое на почетокот на неделава го објави истражувачкиот центар HRL Laboratories се наведува дека помнењето може да се подобри со неинвазивна техника на стимулација на мозокот во сон. Преносот на сеќавањата од еден во друг дел на мозокот за долгорочно помнење е природен процес за кој се верува дека се зајакнува со нивна синхронизација за време на спиењето.
Истражувачите затоа се обиделе да го зајакнат процесот на „прекуноќна реактивација“ стимулирајќи ги мозоците на испитаниците и имитирајќи го тоа делување.
Учесниците во експериментот потоа во будна состојба детектирале потенцијални закани како експлозивни направи и непријателски снајпери, а нивните резултати значително се подобриле по стимулацијата. Истражувањето е проект кој го финансира Министерството за одбрана на САД и е последно во низата неодамна објавени студии во кои се заклучило дека активноста во сон може да има конкретно влијание на нашата можност за помнење.
