Една од водечките фармацевтски компании паузира со испитување на вакцината против КОВИД-19 по “необјаснива болест кај еден од учесниците“, изјавиле вчера од компанијата.
Оваа компанија ја развива вакцината во соработка со британскиот универзитет Оксфорд, која мината недела ја почна доцната фаза на тестирање. Вакцината се сметаше за една од водечките глобални кандидати против новиот коронавирус.
Според порталот за медицински вести Stat News, воочена е сериозна нуспојава кај еден од учесниците на британското истражување.
Компанијата доброволно престанала со испитувањето на оксфордската вакцина за да ги разгледа податоци за безбедност и за да истражи, нарекувајќи го тоа рутинска акција во такво истражување.
“Во големите истражувања може случајно да се случат и болести, но тоа мора независно да се разгледа за да внимателно се провери“, велат научниците.
Која е природата на болеста и како дошло до неа не е објавено, но се очекува, како што кажуваат лекарите, заболениот учесник во истражувањето да се опорави.
