Можеби покрај сите симптоми на КОВИД-19 не обрнувате внимание на главоболката, но ако таа не исчезне кога болеста ќе заврши, станува голем проблем. Д-р Амеш Адаља, експерт за инфективни болести наведува дека главоболките обично траат неколку денови кога лицето е болно, но зошто таа болка знае да биде присутна и со недели, па дури и со месеци откако болеста завршила?
КАКВА Е ФОРМАТА НА ПОСТ-КОВИД ГЛАВОБОЛКИТЕ И ДАЛИ ЧЕСТО СЕ ЈАВУВААТ?
Нивото на болка се разликува од лице до лице, а вирусните заболувања често предизвикуваат напад на мигрена кај лицата кои вообичаено ги имаат, објаснува д-р Адаља. Кај лицата кои немаат често имаат силни главоболки како што е мигрената, често како последица на болеста ќе се појави главоболка на подрачјето на синусите, како и тензична главоболка. Не е сосема јасно колку често се јавува и зошто кај луѓето кои се опоравиле од инфекцијата.
Повеќето пациенти ќе имаат главоболки во акутната фаза на болеста, што значи во периодот кога болеста е во својот пик, а тоа е и вообичаено кај вирусните заболувања, кога болката во телото или во главата е честа, вели инфекторот д-р Амит Сачдев.
Една студија од минатата година покажла неколку интересни работи. Биле собрани податоци од 200 луѓе кои ја имале оваа болест и кои ги опишале своите симптоми откако поминала инфекцијата, или 4 недели по позитивен резултат на тестот или 4 недели откако биле отпуштени од болница. Околу 65 отсто од испитаниците пријавиле главоболка како симптом по болест, веднаш по замор.
ЗОШТО КОВИД ПРЕДИЗВИКУВА ГЛАВОБОЛКИ?
Накратко – никој не знае. Д-р Садчев вели така, но стручњацте имаат неколку теории. Една од нив е дека тие главоболки може едноставно да бидат нешто што покажува низ што ни поминало телото во изминатите денови или недели.
“Во прашање може да биде недостаток на сон или дехидрација“, потенцира д-р Клифорд Сигл, невролог. Причина може да бидат и лекови против болки кои се земаат во поголема количина. Тоа може да премине во маѓепсан круг кога сакате да ја спречите болката, а само предизвикувате уште поголема.
Што е со оние кои се борат со главоболки дури и неколку недели по завршувањето на болеста?
Во најновото истражување на оваа тема, авторите напишале дека овој симптом може да се развие кај лица кои имаат генетска предиспозиција за главоболки или мигрена поради активирање на тригеминоваскуларниот систем, кој игра клучна улога во поттикнувањето главоболка. Тие исто така сметаат дека вирусот може да го стави имуниот систем во фаза на постојана напнатост, што може да предизвика главоболки.
ДАЛИ ГЛАВОБОЛКИТЕ СЕ СИМПТОМ НА ДОЛГ КОВИД?
Не мора да значи, а некој мора да има симптоми кои траат и до 4 недели по дијагнозата за да станува збор за долг КОВИД. Исто така, постојат многу причини за главоболка кои треба да се истражат, а главоболката не е чест симптом на долгиот ковид, ниту пак е предизвикана од вирус.
Ако главоболките владеат со вашето секојдневие, секако треба да ја барате причината. Причините можат да бидат различни, од глад, несоница, дехидрација, стрес, лоша храна… која и да е причината, заслужувате да најдете олеснување.
