Страшно! Симптомите на настинка и грип може да бидат знак и за инфекција со бубашваби

Во својот дом или канцеларија можете да имате тони бубашваби, а при тоа да не сте ни свесни за тоа...

Веројатно, и во моментов вашата канцеларија е полна со луѓе кои „шмркаат“ со носот и поткашлуваат… Веројатно, сите ги обвинувате температурните промени или враќањето на децата во училишните клупи и во нив ја барате вината за симптомите, затоа што неизбежно е септември да е „болежлив“ месец. Но еве предупредување за вас и за сите околу вас кои ги боли грлото и ги измачува кашлица: симптомите кои ги чувствувате може да доаѓаат и заради инфекција со бубашваби, а не од студ.

Според стручњакот за бубашваби Рањен Гохрји, бубашвабите во просториите во кои престојувате може да предизвикаат симптоми кои наликуваат како настинка или грип.

„Ако кашлате и имате синуси полни со секрет, веројатно, претпоставуваате дека имате грип, особено во овој период од годината кога почнува есента. Но важно е да се знае дека некои од симптомите точно е дека се поврзани со настинка и грип, но некои можат да бидат симптом на инфекција со бубашваби“, објаснува Рањен.

Бубашвабите во овој период од годината се намалуваат затоа што паѓа температурата. Ова е период кога тие се во потрага по топли и влажни места каде што ќе се сокријат во текот на зимата, па заразата не би требало да ве изненади. Секаде каде што талкаат оставаат плунка, фекалии и делови од своите тела.

Овие остатоци можат да предизвикаат алергии, што, пак, доведува до симптоми (вклучително и трајна кашлица и течење на носот) слични на оние на грип. Можно е околу себе да имате бубашваби на тони, а притоа да не сте ни свесни. Овие мали, црни животинки бегаат на првиот светлосен знак, а често се кријат во ѕидовите, ормарите, цевките и шуплините во подовите, што значи дека лесно можат да ја заземат вашата куќа, а вие воопшто и да не ги видите.

„Овие симптоми лесно може да се измешаат со сезонска настинка, особено ако имате дете кое оди во градинка или училиште или ако вие работите во голем колектив“, вели Рањен.

Тој уште вели и дека многу важно е да се истакне дека е можно да се има инфекција со бубашваби, а да не се знае ништо за тоа.

„Тие се тајни суштества кои се срамат од светлина. Можат да шират бактерии како што се салмонела и ешерихија коли. Ако вашите симптоми не се намалуваат подолго време, можеби е време да ги откриете причините, а тоа ги вклучува и бубашвабите“, додава Рањен.

Знаците кои ги издаваат овие одвратни животинки и кои укажуваат дека тие се кријат околу вас се необичниот мирис, кафеавите или црни траги (во должина од околу 2 мм) и чудните флеки по подовите, ѕидовите или останатите површини.

Клучот за спас од бубашваби е да ја одржувате хигиената на високо ниво. Бидете темелни при чистењето, редовно поместувајте ги кујнските апарати и одбегнувајте натрупување на весници, алишта или списанија затоа што нив ги привлекува нередот, а тоа подразбира и таложење на нечисти садови.