Стресот и анксиозноста се меѓу главните причинители за несоница

Се смета дека околу седум до осум часа сон е доволно за еден човек да може нормално да функционира во текот на денот

Несоницата мачи се поголем број на луѓе насекаде низ светот и се заканува сериозно да влијае на квалитетот на нивниот живот. Без разлика дали несоницата се манифестира како неможност да се заспие, често будење во текот на ноќта или прерано будење наутро, сите симптоми предизвикуваат исти последици, нанаспаност и лошо функционирање на телот и на умот во текот на денот.

Колку сон е потребно за човек да се чувствува наспан е различно и зависи од секој човек индивидуално. Се смета дека околу седум до осум часа сон е доволно за нормално функционирање. Се што е под овој просек може да предизвика здравствени проблеми. Најчести причинители на несоницата се стресот, анксиозноста, депресијата, здравствени проблеми, паромена во секојдневната рутина како патувања, промена на работно место и место на живеење, лоши навики на спиењето, лекови и возраста.

За да се надминат овие причинители и да се спречи несоницата постојат повеќе совети.

  • Да се избегнува кофеин, никотин и алкохол
  • Не пијте чај пред спиење
  • Почесто шетајте во природата
  • Внимавајте на исхраната
  • Земајте Б-комплекс витамини
  • Воспоставете нормална рутина на спиење
  • Подгответе си пријатна атмосфера во спалната соба
  • Спијте во замрачена соба