СТРУЧЊАЦИТЕ ОТКРИВААТ: Кои се најчестите начини на зараза со КОВИД-19 во време на вакцини

Научниците и стручњаците откриле кои се најчестите начини на зараза во време кога вакцината е широко достапна.

Речиси две години од почетокот на пандемијата, можеби мислите дека веќе сте станале експерт за избегнување на вирусот. Но, со делта плус варијантата, вакцините, бустер дозата и враќањето на нормален живот, претпазливоста не треба да изостане.

Кога на сето ова ќе се додаде и заморот од информации и пандемијата како таква, не е неверојатно да човек повремено спушти гард, ги попушти кочниците и на момент да престане да се придржува до мерките. Тоа е особено веројатно зимно време, кога повеќе престојуваме во затворен простор, а вирусот има подобри услови за ширење.

Научниците и стручњаците откриле кои се најчестите начини на зараза во време кога вакцината е широко достапна.

  • Од вакцинирани лица во домаќинството

Нови истражувања покажуваат дека дури и ревакцинирани лица можат да го шират коронавирусот на лицата со кои живеат. Студија објавена во Lancet, спроведена во Велика Британија, покажува дека целосно вакцинираните без симптоми имаат 38% шанса да го пренесат коронавирусот на невакцинирани членови на домаќинството и 25% шанса за пренос на комплетно вакцинираните.

  • Не сте примиле бустер доза

Ефективноста на вакцината против КОВИД-19 опаѓа со текот на времето, а една студија открила дека ефикасноста на Фајзер вакцината од пролет до есен паднала од 94% на 70%. Но, сите вакцини и понатаму остануваат високо ефикасни во спречувањето на тешки форми на болести, хоспитализација и смрт. Затоа, ако спаѓате во група која може да прими бустер доза, зајакнете го вашиот имунитет.

  • Погрешно ја носите маската

Не заборавајте дека маската мора да го покрива носот и устата, за да биде ефикасна. Ако ја ставете под нос, многу лесно може да го пренесете вирусот, но и да се заразите. Центарот на контрола и превенција на болести на САД (ЦДЦ) ги препорачува и овие чекори за бидете сигурни дека ја носите маската како што треба:

  1. Измијте ги рацете пред да ја ставите маската.
  2. Ставете ја маската околу ушите без да го допирате вратот или челото.
  3. Не допирајте ја маската одвнатре.
  • Носите тенка платнена маска

Се чини дека платнените маски даваат чувство на безбедност кое и не е толку реално. Поради мутацијата на вирусот, експертите препорачуваат носење поквалитетна медицинска маска, бидејќи досегашните истражувања покажале дека тие филтрираат околу 95% од честичките на вирусот, додека платнената маска филтрира само 37%.

  • На аеродром

Ковид сертификатите овозможија патување и поголем проток на луѓе, но особено треба да се внимава на аеродром и во авион. Ризикот е поголем во долгите редици на аеродромите каде луѓето се во поблизок и подолг контакт, а дополнително се разменуваат документи, се допираат површини… На вакви места носете маска и држете растојание каде и да е тоа можно.