Психолошките последици од карантинот, кој овој викенд е продолжен во неколку земји зафатени со пандемијата на коронавирусот, а кој се применува и кај нас за време на викенди целосно, а преку неделата делумно, ги загрижуваат стручњаците кои се занимаваат со менталното здравје. Тие бараат овој проблем темелно да се истражи.
“Продолжувањето на карантинот беше очекувано, но веста сепак многумина ги разочара“, вели Линда Баулд, професор по јавно здравство на Универзитетот во Единбург, откако во чествртокот во Велика Британија е објавено дека карантинот се продолжува за три недели.
“Индиректните последици се акумулираат. Неодамнешни истражувања покааа загрижувачки пораст на анксиозноста и депресијата меѓу популацијата“, дополнува проф. Баулд.
Констатацијата важи за сите земји во кои се спроведува оваа драстична мерка, а кој модерното општество со децении не ја помни. Во Франција поголема група истражувачи во соработка со Високата школа за истражување на јавното здравје, покрена студија со 1000 испитаници за поврзаноста и последиците од коронавирусот и карантинот. По првиот, и по вториот бран на продолжување на карантинот и изолација, 37% од испитаниците покажувале знаци на психолошки стрес.
“Ако ова ситуација продолжи и идните неколку недели, тоа може да придонесе за појава на тешки психијатриски заболувања и пораст на побарувачката за психијатриско лекување по укинување на карантинот, на што мораме да се подготвиме“, предупредуваат научниците.
СЕРИОЗНО ВЛИЈАНИЕ НА МЕНТАЛНОТО ЗДРАВЈЕ
Истите грижи ги мачат и стручњаците во САД, каде “над една третина од населението (36%) изјавиле дека коронавирусот сериозно влијае на нивното ментално здравје“, стои во писмото на Американското здружение на психијатри испратено до членовите на Конгресот.
Предупредувјаќи на тоа дека во догледно време “може да има многу повеќе граѓани на кои ќе им биде потребна психолошка и психијатриска помош“, здружението повикува на вложувања наменети на итните случаи, но и на инвестиција во периодот на опоравување“. При тоа се мисли на телеконсулатции и пристап на лекување на сте граѓани.
Лекарите во Велика Британија пред три дена покренаа “Повик на акција“, повикувајќи на зголемен надзор на психосоматските последици од епидемијата.
“Зголемената социјална изолација, осаменоста, загриженоста за здравјето, стресот и економскиот пад, се предуслови кои штетат на состојбата и менталното здравје на поединецот“, потенцира еден од лекарите вклучени во акцијата проф. Рори О’Конор и додава дека проблемот е преголем за да се занемари.
Лекарите веќе го забележуваат влијанието на изолацијата на досегашните, но и на новите пациенти, истакнува проф. Антоин Пелисоло, шеф на психијатриската служба во болницата Хенри-Мондор во Париз.
Токму пристапот на професионална помош ќе биде еден од главните предизвици за излез од кризата.
Со оглед на редрасудите, не сакаме лицата со ментални пореметувања во јавноста да се препознаваат како “лудаци“.
Синдикатот на психијатрите на Франција смета дека секој треба да има едноставен пристап до психијатар.
