СТРУЧЊАЦИТЕ ТВРДАТ: Првите индикации за ефикасноста на вакцината против коронавирусот се можни наесен

Директор на Глобалниот сојуз за вакцини и имунизација Сет Беркли ја повика Светската здравствена организација да објави јасни насоки за употребата и дистрибуцијата на вакцината, со цел да се спречи вакцината првенствено да стане достапна за богатите, на сметка на оние на кои им е најпотребна.

Првите индикации за ефикасноста на потенцијалната вакцина против коронавирусот можни се наесен, вели извршниот директор на Глобалниот сојуз за вакцини и имунизација (GAVI), додавајќи дека верува дека вакцината долго нема да биде достапна за широката популација.

“За жал, ние навистина не знаеме која вакцина ќе делува и дали воопшто ќе ја имаме. Ако имаме среќа, првите индикации за ефикасност на вакцината ќе имаме наесен“, вели Сет Беркли.

“Но, и натаму треба да се помине долг пат да одобрената активна супстанца стане достапна во големи количини за глобалната популација“.

Тој повика на заеднички глобални напори во производството и дистрибуцијата на потенцијалната вакцина. Беркли вели дека е потребен меѓународен договор за изградба на капацитети за да може вакцината, кога ќе се пронајде, што побрзо и се произведе.

Треба да се помине долг пат да одобрената активна супстанца стане достапна во големи количини за глобалната популација, велат експертите.

“Земјите треба заедно да работат како би можеле меѓусебно да си делат вакцини во случај да нечија вакцина не биде добра“, вели Беркли и додава дека е можно некои вакцини подобро да делуваат на младите, а некои други на повозрасните старосни групи.

Тој ја повика Светската здравствена организација да објави јасни насоки за употребата и дистрибуцијата на вакцината, со цел да се спречи вакцината првенствено да стане достапна за богатите, на сметка на оние на кои им е најпотребна.

Доколку залихите на ефикасната вакцина првично бидат ограничени, треба да се искористат за вакцинација на здравствените работници, додава Беркли.