Припадниците на понежниот пол имаат почувствителен слух и сетило за мирис, подобро гледаат од мажите и помалку патат од далтонизам, тврди истражувачот Израел Абрамов од Универзитетот во Њујорк.
„Претпоставувам дека тестостеронот игра голема улога и прави мажите поинаку да гледаат во однос на жените. Но недоволно е јасна еволутивната причина за тоа“, вели Абрамов.
Врз основа на студиите кои ги правел со колегите, споредувајќи го видот на мажите и жените постари од 16 години, открил дека посилниот пол е помалку способен да ги разликува боите.
Истражувачите им покажувале на учесниците слики на кои имало светли и темни линии со различини широчини и бои, за да ја проверат нивната чувствителност на контраст. Мажите овој пат биле подобри во препознавањето на брзите промени во димензиите на линиите. Абрамов тоа го објаснил со посебни таламички неврони во челниот дел, чиј развој е под влијание на машките полови хормони.
