Двојките кои се обидуваат да добијат бебе, веројатно, слушнале разни приказни за зачнувањето, и тоа од оние на кои им успеало од прв пат, па се до оние кои се обидуваат со години. Вистината е дека бременоста е различна кај секој, сите не интересира едно – колку долго обично е потребно.
Постои едно старо правило кое вели дека секој месец кога жената има односи за време на плодните денови постојат од 15 до 20 отсто шанси за бременост. Сепак шансата за бременост зависи од поголемиот број фактори, а еден од клучните се годините.
Како годините влијаат на шансата за зачнување?
Во повеќето случаи, колку што жената е постара, толку и шансите за зачнување се намалуваат. Еве што вели статистиката:
- Доколку имате меѓу 20 и 24 години, шансите за зачнување се 86 отсто во текот на годината.
- Доколку имате меѓу 25 и 29 години, шансите за зачнување се 78 отсто во текот на годината.
- Доколку имате меѓу 30 и 34 години, шансите за зачнување се 63 отсто во текот на годината.
- Доколку имате меѓу 35 и 39 години, шансите за зачнување се 52 отсто во текот на годината.
Нешто поинакви резултати покажала студија од 2003 година. Околу 80 отсто од двојките кои немаат здравствени проблеми и кои активно се обидуваат да добијат бебе, зачнувањето е во рок од 6 месеци.
Иако овие бројки можат да им бидат од помош на жените кои сакаат да знаат каде се наоѓаат, двојките би требало да знаат дека не постои брзо и едноставно правило колку време ќе ви треба. Исто така, во зависност од тоа со кој доктор разговарате или, пак, која студија ја набљудувате процентите можат по малку да варираат.
Како брзо да се забремени?
Добра вест е дека постојат повеќе начини да ги зголемите шансите за бременост. Прво бидете сигурни дека сте го одбрале вистинскиот тајминг – плодни денови. Друга важна работа е здравиот начин на живот, се однесува и на мажите и на жените. Не пушете, не пијте и доведете ја телесната тежина во нормала.
Кој би требало да разговара со специјалист за зачнување?
- Доколку имате 35 години, а една година не ви поаѓа од рака да забремените
- Доколку сте на возраст меѓу 35 и 39 и се обидувате без успех шест месеци.
- Доколку имате 40 и повеќе години и се обидувате неуспешно три месеци.
Жените кои имаат ендометриоза, нерегуларен циклус или историја на карлични воспалителни болести, како и оние кои имале два спонтани абортуси би требало да посетат специјалист. Истото важи и за жените кои имаат поголеми здравствени проблеми како рак кои се подготвени за зрачење и хемотерапија. Постои опција за замрзнување на јајце-клетки, како и специјални програми и можности за намалување и редуцирање на лековите, што е важно жените да го знаат.
Вклучени се и голем број емоции, а онколозите често забораваат да зборуваат за жените со тоа. На многу двојки ова им е чувствителна тема. Сепак, факт е дека повеќето двојки можат да ја остварт оваа желба без проблеми, додека за оние со проблеми постојани разни опции.
