Вчера, Светската здравствена организација соопшти дека сите лица кои биле во контакт со инфицирано лице со КОВИД-19 треба да се тестираат, без разлика дали покажуваат или не покажуваат симптоми.
Тоа е препорака на стручњаците на СЗО, кои на прес конференција беа прашани за состојбата во САД, каде епидемиолозите оцениле дека не се потребни тестови на оние кои немаат симптоми на болеста.
На оваа тема, епидемиологот на СЗО, Марија Ван Керхов не ја коментираше состојбата во САД, но препорача да, ако е можно, “да се тестираат сите контакти, независно од развојот на симптоми“.
“Знаеме дека лицата кои имаат симптоми го пренесуваат вирусот, а знаеме и дека лицата кои немаат симптоми исто така може да го пренесат вирусот„, изјави таа.
Таа ја нагласи важноста на тестовите, кои би требало да се употребат за пронаоѓање на активните случаи и нивно изолирање и за информирање за нивните контакти.
Промената на американските насоки за тестирање во понеделникот на својата интернет страница ги објави Центарот за превенција и контрола на болести.
