Студеното време може да предизвика повеќе срцеви удари

Кога температурата опаѓа, бројката на срцеви удари се зголемува, покажа масивна 16-годишна студија спроведена на околу 280.000 пациенти во Шведска

Кога температурата опаѓа, бројката на срцеви удари се зголемува, покажа масивна 16-годишна студија спроведена на околу 280.000 пациенти во Шведска. „Постојат сезонски варијации во појавата на срцевите удари, со намалување на инциденцата во лето и достигнување на врвот во зима“, изјави водичот на истражувањето во соопштение до јавноста, додавајќи дека „не е јасно дали ова се должи на пониските температури или промените во однесувањето“.

Нашето тело има различни начини на справување со студеното време, како што се тресење и зголемени отчукувања на срцето, кои помагаат да се подигне температурата на телото, но, исто така, го зголемуваат и крвниот притисок

Тимот од Универзитетот Лунд ги објави своите наоди на Конгресот на Европското здружение на кардиолози во Барселона. Користејќи го шведскиот регистар за миокарден инфаркт  (SWEDEHEART), тие успеале да го следат секој срцев удар третиран низ Шведска во периодот од 1998 до 2013 година, при што откриле значително повеќе срцеви напади во временски периоди со температура под нулата, а далеку помалку во летните месеци.

Постојат сезонски варијации во појавата на срцевите удари, со намалување на инциденцата во лето и достигнување на врвот во зима

Нашето тело има различни начини на справување со екстремно студеното време, како што се тресење и зголемени отчукувања на срцето, кои помагаат да се подигне температурата на телото, но, исто така, го зголемуваат и крвниот притисок. Тоа не е проблем за повеќето здрави луѓе, но истражувачите мислат дека сигнализира проблеми кај оние кои имаат наслаги во коронарните артерии. Други потенцијални фактори поврзани со годишните времиња се намалената физичка активност, промените во исхраната и зголемените случаи на инфекции на дишните патишта и грип. „Хафингтон пост“ пишува дека дека екстремната настинка е еден од неколкуте „заборавени“ фактори на ризик од срцев удар, заедно со обилните оброци и ненадејниот напор, кои се наоѓаат на врвот на листата.