Со пари навистина можеме да купиме среќа ако ги инвестираме во време кое ќе го посветиме себе си, на пример, ако платиме помошничка, а ние за тоа време уживаме во некоја сакана активност, што има позитивно влијание на квалитетот на нашиот живот, заклучиле канадските истражувачи од Универзитетот Бритиш Колумбија со колегите од Харвард школата во Бостон.
Недостатокот на слободно време денес се смета дека е одговорен за порастот на анксиозност и несоница кај луѓето. Во студијата учествувале 4.500 испитаници, а од нив 28% секој месец вложувале пари во работи кои им штедат време. Истовремено испитаниците изјавиле дека се посреќни и позадоволни со својот живот.
