Истражување на школата за медицина на Харвард ги анализирало снимките на паркиралиштата во Вухан, каде коронавирусот се појави кон крајот на 2019., како и пребарувањата на симптоми на интернет пребарувачите, како “кашлица“ и “пролив“.
“Зголемена фреквенција во болниците и пребарувања на симптоми во Вухан се јавува пред документираниот почеток на пандемијата со КОВИД-19 во декември 2019.“, заклучило американското истражување.
“Иако не можеме да потврдиме дека зголемениот волумен е директно поврзан со новиот вирус, нашите докази во склад се со останатите неодамнешни трудови кои покажуваат дека итната ситуација почнала пред да виде идентификувана на пазарот Хуанан во Вухан. Овие заклучоци се поткрепуваат со хипотезата дека вирусот природно се појавил во јужна Кина, и дека потенцијално веќе кружел во време на избивање на жариштето во Вухан“, се наведува во истражувањето.
Во трудот се покажува значаен раст на прометот на болничките паркиралишта во август 2019 година, и дека во август се бележи раст на пребарувањата на наведените симптоми каков што не се бележи во минатите сезони на грип.
Портпаролот на Министерството за надворешни работи на Кина ги отфрли заклучоците на ова истражување.
“Мислам дека е смешно, многу смешно да дојдете до вакви заклучоци на основа на површни опсервации како следење на промет и движења“, изјави таа.
