Меѓународната агенција за истражување на ракот, главен авторитет на тоа подрачје, заклучила дека телесната тежина е причинско-последичен ризик фактор за рак на тироидната жлезда. Д-р Марит Лаксонсен открила дека секој петти иден рак на тироидеата може да се препише на моменталните нивоа на прекумерна тежина и обезност.
ПОЧЕСТ КАЈ ЖЕНИТЕ
Ракот на тироидната жлезда е еден од ретките видови на рак кој е 2-3 пати почест кај жените отколку кај мажите, но студијата открила дека ризикот од рак на тироидната жлезда што се припишува на прекумерната тежина или дебелината е поголем кај мажите отколку кај жените. Иако се уште не е добро објаснето што ја предизвикува половата разлика во ризикот од рак на тироидеата поврзан со прекумерна тежина, се смета дека прекумерната тежина или обезноста објаснува два од пет карциноми на тироидната жлезда кај мажите и еден од десет карциноми на тироидната жлезда кај жените.
КОИ СЕ СИМПТОМИТЕ
Во раните фази, речиси и да нема симптоми, а со развојот на ракот, тие можат да се појават:
- јазли на вратот – некои се видливи, а некои може само да се напипаат. Некои лица може да забележат непријатност при голтање (обично на предниот дел на вратот)
- зголемени лимфни јазли на вратот – обично во пределот под вилицата.
- болка во вратот која понекогаш се протега и до ушите – доколку трае подолго од неколку недели, особено во комбинација со некои други симптоми, посетете лекар.
- засипнатост или други промени на гласот
- тешкотии при дишење и/или голтање
- постојана кашлица – не е предизвикана од настинка или друга болест.
