Избегнувајте претерана хигиена на интимното подрачје и агресивни средства!

Мијте го само надворешниот дел на интимното подрачје, секојдневно, нежно, со млака вода, но немојте да користите крпа или сунѓер и секогаш во насока од напред кон назад

Голем дел од работите во однос на здравата вагинална микрофлора се подразбираат, но понекогаш некој совет би можел да претставува и новост. Повеќето од проблемите се јавуваат бидејќи не се зборува отворено за хигиената на интимната област.

Што е најважно во однос на одржување на интимната хигиена:

  • Држете го гениталното подрачје чисто и суво;
  • Мијте го само надворешниот дел на интимната област, секојдневно, нежно, со млака вода, немојте да користите сунѓер, и секогаш во насока од напред кон назад;
  • Избегнувајте претерана хигиена на интимното подрачје, дури и при зголемена потреба од миење, немојте тоа да го правите повеќе од 1-2 пати дневно и немојте да користите агресивни средства;
  • Користете pH-неутрални производи кои не содржат парфеми и се специјално дизајнирани за интимна нега;
  • Користете свој пешкир за интимната област;
  • После нужда секогаш бришете се од вагината спрема ректалната област и никогаш не користете два пати исто парче тоалетна хартија (особено по голема нужда);
  • Не користете дезодоранси за интимни области. Течности за плакнење на интимната област употребувајте само по препорака на лекар;
  • Користете влошки кои пропуштаат воздух и не содржат парфем. Менувајте ги редовно.

Облека

Менувајте ја долната облека секојдневно:

Носете долна облека од природни материјали;

Избегнувајте да носите припиена облека;

Одбегнувајте омекнувачи;

Перете ја облеката на што е можно повисока температура.

*Вештачките материјали и тесната облека доведуваат до претерано загревање и влажност во интимната област, со што се создаваат поволни услови за размножување на бактерии и габи.

Менструација

  • Особено внимавајте на хигиената за време на циклусот;
  • Често менувајте ги улошките;
  • Тампоните, како и влошките менувајте ги на секои 2-3 часа;
  • Ако вашата вагина е сува, не користете тампони.

Сексуален однос

Обата партнера мора да внимаваат на хигиената на интимното подрачје.

Обратете внимание на толеранцијата на контрацептивните средства и лубрикантите (иритации).

Бременост

Во бременоста, веќе на самиот почеток, а повеќе изразено на крајот, вагиналниот исцедок станува нешто пообилен и белузлав. Поради обилноста се валка долната облека, но тоа никако не значи дека треба да ставате тампон во вагината, ниту да носите влошка. Ќе биде доволно трудницата да прави надворешна тоалета два до три пати дневно. Тоалетата се изведува со миење со проточна вода и благо алкален сапун. По миењето, треба убаво да се избришете.

Слободно време

  • Користете свој пешкир во сауна;
  • Избегнувајте групно џакузи;
  • Избегнувајте да седите на тоалетна школка во јавните тоалети.

Општо

Пијте многу вода (2-3 литри на ден)!

*Имајте на ум дека и вашиот начин на живот игра важна улога. Колку сте посмирени, толку посилен ќе биде и вашиот имунитет.