Суви кајсии и сливи – природен лек за зајакнување на имунитетот

Сувите кајсии се добри за правилна работа на срцето, ја подобруваат работата на мозокот, видот, го нормализираат притисокот, додека сувите сливи се богат извор на антиоксиданти, полни се со витамини А, железо и калиум

Кајсиите се нискокалорично овошје богато со витамини А, Б2, Б3 и Ц, имаат 10 пати повеќе магнезиум отколку останатото овошје, богати се со калциум, железо, каротен… Без разлика дали ги јадете суви или свежи, тие се одличен извор на влакна.

Истражувањата покажале дека некои состојки од сувите кајсии може да го спречат растот на клетките на ракот. Сувите кајсии се природен лек за правилна работа на срцето, ја подобруваат работата на мозокот, видот, го нормализираат притисокот и се одлични диуретици.

Сувите сливи, пак, претставуваат богат извор на антиоксиданти. Тие се полни со витамин А, железо и калиум. Ја задоволуваат желбата за слатко, без да предизвикаат лудило на шеќерот во крвта поради своите природни засладувачи: фруктоза и сорбитол. Сувите сливи претставуваат одличен „лек“ против неуредната столица и совршено помагаат против запекот.

Рецепт за зајакнување на имунолошкиот систем

Потребно е:

  • 200 г суви кајсии
  • 100 г суви сливи
  • 100 г ореви
  • 2 лажици мед

Подготовка:

Сомелете ги сувите кајсии, сувите сливи и излупени ореви. Додадете 2 лажици мед и промешајте. Ставете ја смесата во цврсто затворена тегла, држете ја во фрижидерот. Земете по една лажица наутро пред појадок и навечер пред спиење.