СУВИ СЛИВИ: „Виновни“ за добро варење, здраво срце и коски

Сувите сливи се одличен извор на витамин А кој е од суштинско значење за добар вид. Помагаат да се спречи сувост на очите, ноќно слепило и макуларна дегенерација

Сувите сливи се вистинска ризница на хранливи материи, неодолив вкус и големи здравствени вредности.

Сувите сливи се богати со витамини. Посебно се издвојуваат витамините А и К, а во помала количина се содржани и витамин Ц, Е, Б1, Б2, Б3 и Б6. Тие се одличен извор на минерали калиум, калциум, магнезиум, железо, фосфор, натриум, цинк, бакар и манган. Тука се и растворливите и нерастворливи влакна, фенолни соединенија и бројни фитосоединенија кои делуваат како моќни антиоксиданти.

Здравствени придобивки од сувите сливи

  1. Го регулираат варењето

Сувите сливи се многу ефикасни во одржувањето на здраво и избалансирано варење на храната. Содржат влакна кои се корисни не само за варење, туку и за целокупното здравје на телото.

Една чаша суви сливи има дури 12,4 г влакна.

Растворливите влакна брзо впиваат вода и во контактот со неа создаваат желатинска маса која создава чувство на ситост, а воедно помага во омекнување на цревната содржина и олеснување на празнењето.

Високата содржина на влакна во сувите сливи, исто така, помага и во превенција од хемороиди предизвикани од запек.

Најпознатиот народен лек против запек е компот од суви сливи

Сувите сливи содржат и сорбитол, природен шеќер за кој е потврдено дека го подобрува обновувањето на добрата цревна флора.

  1. Го чуваат здравјето на срцето

Сувите сливи се богати со калиум. Една порција суви сливи содржи 36 % од препорачаната дневна доза на овој минерал. Калиумот обезбедува правилно функционирање на срцето, васкуларниот и нервниот систем.

Овој минерал, исто така, помага и при покачен крвен притисок и го намалува ризикот од срцев и мозочен удар. Ниското ниво на калиум може да предизвика слабост, мускулни грчеви, бавни отчукувања на срцето, вртоглавица, па дури и губење на свеста.

  1. Го намалуваат нивото на шеќерот во крвта

Сливите се ниско позиционирани на скалата на гликемиски индекс. Тоа значи дека можат да помогнат во контролата на нивото на шеќерот во крвта и да го намалат ризикот од дијабетес тип 2.

Сувите сливи содржат голем дел растворливи влакна кои помагаат да се одржи стабилноста на шеќерот во крвта. Овие влакна го намалуваат времето на задржување на храната во стомакот, што резултира со пониска апсорпција на шеќерот во крвотокот.

Растопливите влакна и флавоноидите, кои, исто така, се присутни во значителни количини во сувите сливи, се од големо значење бидејќи придонесуваат за зголемување на чувствителноста на организмот на инсулин.

4. Се грижат за добриот вид и здравјето на очите

Сувите сливи се одличен извор на витамин А кој е од суштинско значење за добар вид. Помагаат да се спречи сувост на очите, ноќно слепило и макуларна дегенерација.

Овие плодови, исто така, се грижат за зачувување на ткивото на мрежницата и штитат од оштетување предизвикано од УВ зрачење.

Каротеноидите присутни во сувите сливи – алфа каротен, бета каротен и бета криптоксантин – помагаат во процесот на конвертирање на светлината во нервни импулси.

  1. Ги зајакнуваат коските

Поради високата содржина на витамин К, ги зајакнуваат коските. Во прилог на тоа оди и истражувањето објавено во книгата „Wellness Foods A to Z“, во кое се вели дека адекватна количини на витамин К во исхраната може да им помогне на повозрасни лица при:

  • Обновување на веќе ослабените коски,
  • Одржување на нивното здравје и густина,
  • Превенција на остеопороза,
  • Превенција на атеросклероза.

Истражувањето на Државниот универзитет во Флорида покажа дека сувите сливи може да ја превенираат остеопорозата особено кај жените во постменопауза.

  1. Го подобруваат помнењето

Консумирањето само три до четири суви сливи дневно може значително да придонесе за неутрализација на слободните радикали, кои имаат штетен ефект врз меморијата.

И не само тоа – сувата слива е толку корисна што нејзината редовна консумација може да ги зголеми функциите на мозокот и да ја подобри меморијата, учењето и концентрацијата.

Истражувањата покажаа дека сувите сливи имаат позитивни ефекти и во превенција на старосните невродегенеративни нарушувања, како што се Алцхајмерова болест и Паркинсонова болест.

Истражувањето на Државниот универзитет во Флорида покажа дека сувите сливи може да ја превенираат остеопорозата кај жените во постменопауза
  1. Се грижат за убавината на кожата и косата

Витамините и минералите присутни во сливите придонесуваат за убавината и здравјето на кожата.

Сувите плодови помагаат да се забави процесот на стареење, да се одложи појавата на брчки и да се намали видливоста на постоечките брчки, како и дамки од сонцето (пеги).

Сувите сливи се ризница на железо – минерал кој повеќекратно придонесува и за здравјето на косата.